Bertsos - Ver ficha Más información sobre esta sección
2007-11-15 Iruñea Jaialdia [Bertsoa] / Aitor Mendiluze
2007-11-15 Iruñea Jaialdia [Bertsoa] / Aitor Mendiluze
Nombre de la estrofa:
Hamabikoa, handiaren moldekoa, 7 puntuz (hg) / Zazpi puntukoa, handiaren moldekoa (ip)
Localización:
XDZ - Xenpelar Dokumentazio Zentroa
Tentagarria ohi da saria
tentagarria da fama
baina txapelak buru galtzea
oso gertuan darama.
Sartu orduko hementxe salan
nik aurkitu dedan plana:
semea ta bere ama
biek erraminta bana.
Hain garrantzitsu al da zuentzat
ustez lortuko dudana?
Neretzat ez da saria bera
baizik bitarteko lana. (bis)
Sariengatik ez naiz aritzen
mikro aurrean jartzean
baina nik zuen gogoa garbi
behar det aurrerantzean;
zuek txapelen egarri eta
nere desira hutsean;
beste txapel bat etxean
hala zintzilikatzean
poza hartuko al zenukete
irri eta bihotzean?
Neretzat poza ez dago hortan
baizik bertso bakoitzean. (bis)
Eta emazte zuretzat hitz bat
doa serio-serio:
zergatik dezu txapelarekin
horrenbeste obsesio?
Hala azaldu diozu eta
semeak hori desio;
beraz saria medio
ez da aitarekin fio.
Hobe genuke ahaleginataz
hitz egingo bagenio
guk erakusten ez badiogu
nork erakutsiko dio? (bis)