Bertsos - Ver ficha Más información sobre esta sección
2008-10-09 Gasteiz Jaialdia [Bertsoa] / Manex Agirre, Beñat Gaztelumendi
Bertsoa entzun |
2008-10-09 Gasteiz Jaialdia [Bertsoa] / Manex Agirre, Beñat Gaztelumendi
Nombre de la estrofa:
Zortziko txikia (hg) / Lau puntuko txikia (ip)
Localización:
XDZ - Xenpelar Dokumentazio Zentroa
B. Gaztelumendi: Amona beti gaixo
eta beti kexu
ta gaur a ze sorpresa
sinets dezakezu!
Ze besoak! Nahikoa
indartsu zaude zu...
amonak baino ogi
gehiago jan dezu! (bis)
M. Agirre: Dotore nagoela
ez al da nabari?
Beso potoloak ta
burua dut argi.
Ez begiratu honi
begiratu neri
esan zerbait polita
marineruari! (bis)
B. Gaztelumendi: Marinerua nahiko
dotore hor zaude
ni saski eta guzti
ez nentorren grabe.
Zuk ere badaukazu
nahiko abilidade:
ogia jaten dezu
pipa utzi gabe. (bis)
M. Agirre: Espinakak jateko
nik pipa utzi ohi dut
hortan fijatzeko ere
aukera duzu zuk.
Maitatzen zaitudala
demostrau nahi dizut:
espinakak utzi ta
zu probau nahi zaitut. (bis)
B. Gaztelumendi: Otsoa bezelaxe
beti haragira
baino zuk andregai bat
badaukazu tira!
Eta kanpoko oihu
horiek zer dira?
Olivia laguntza
eskatzen ari da. (bis)
M. Agirre: Agian komeni zait
bera salbatzea
baina ez nahiago dut
zu zeu probatzea.
Hobe da Olivia
pakean uztea
askoz nahiago dut zu
aliviatzea. (bis)
B. Gaztelumendi: Beraz egin nahi dezu
buelta eta buelta
Oliviaz aspertu
baitzera tarteka
baino ez zaitut gustoko
ez jarri erreta
otsoakin ezkondu
berria naiz eta! (bis)
M. Agirre: Otsoa probau duzu
nik zu zeu bezela
Txanogorritxo ez izan
halako krudela!
Utz dezagun guztia
horrelaxe bela
ta ez ahaztu dena
ipuin on bat zela. (bis)