Bertsos - Ver ficha   Más información sobre esta sección

2008-09-20 Aizarnazabal [Bertsoa] / Andoni Egaña, Sebastian Lizaso

Bertsoa entzun  

Información general

Kategoria
Bat-batekoa
Actuación
2008-09-20 Aizarnazabal
Gai-emailea
Elizasu, Unai
Bertsolaris / Autores
Egaña, Andoni
Lizaso, Sebastian
Ejercicio
Binaka gaia-emanda
Tema propuesto
Elkarrizketa arraro bat egingo dugu orain; beraz, presta zaitezte. Hemen daukagu San Migel santua, Lizaso, eta San Migel botila, Egaña.

Descripción

Melodia
Nere gogoa hegan dijoa
Nombre de la estrofa
Zortziko handia (hg) / Lau puntuko handia (ip)

Localización

Localización
XDZ - Xenpelar Dokumentazio Zentroa
Colección / Fondo / Proyecto
Bapatean Bilduma

2008-09-20 Aizarnazabal [Bertsoa] / Andoni Egaña, Sebastian Lizaso

Nombre de la estrofa:  Zortziko handia (hg) / Lau puntuko handia (ip) 
Localización:  XDZ - Xenpelar Dokumentazio Zentroa 


A. Egaña: Diferenteak gera gu biok
garbi geratu dadila!
Garai batean santu zu zinen
fededunen marabilla
baina garaiak aldatu dira
nagusitu da botila:
zuk aldare bat bakarra dezu
ta nik mostradore pila.

S. Lizaso: Azken boladan nahiz aldakuntzak
ikusten diran nabarmen,
Aizu botila! Zuk ez daukazu
santuak hainbeste kemen.
Horren lekuko zenbait igande
edota zenbait astelehen:
askok nerekin sinesten dute
zurekin ase ondoren.

A. Egaña: Bat burumakur etortzen bada
alaitu leike zeharo
isila ere botilai esker
hiztun bihurtzen da klaro
benetan alai ipintzen det nik
triste zegona lehenago...
Nik milagroak egiten dakit
santuak baino gehiago.

S. Lizaso: Zure milagro bakarra degu
pixa-larri behartua
nolabait ere bota behar da
botilatikan hartua.
Aizernazabalen gaude eta
proposa zazu tratua:
bat kentzekotan nor kentzen duten
botila edo santua.

A. Egaña: Botila eta santuak biok
behar genuke hitz egin.
Azkenerako konpainia hau
bilakatu zait atsegin.
Herri honetan festa egiten da
gugatikan ta hau jakin:
zure omenez egiten dute
ta nere laguntzarekin.

S. Lizaso: Fedea dena galdu zen eta
tragoak hartu indarra.
Ez ote dago gauzak lehenera
noizbait itzuli beharra?
Aldaretikan begira nago
ta hau da martxa kaxkarra
Sanmigeletan San Migel baita
edaten ez dun bakarra.