BDB Bertsolaritzaren datu-basea

Información general

Kategoria

Bat-batekoa

Actuación

2009-09-27 Irura

Gai-emailea

Elizasu, Unai

Bertsolaris / Autores

Martin, Jon

Mendiluze, Aitor

Ejercicio

Binaka gaia-emanda

Tema propuesto

Zuek Irurako elkarte bateko bazkideak zineten, Gazte Alaiak elkartekoak, hain zuzen ere, baina kanporatuak izan zarete, eta ez gazteak ez zaretelako, alaiak ez zaretelako baizik; oso tristeak zarete biok, oso-oso tristeak. Orain zuen tristura azaldu behar duzue bertsotan, nor ote den pertsona tristeagoa.

Descripción

Melodia

Hamaika aldiz daukazu lehendik A

Nombre de la estrofa

Zortziko handia (hg) / Lau puntuko handia (ip)

Localización

Localización

XDZ - Xenpelar Dokumentazio Zentroa

Colección / Fondo / Proyecto

Bapatean Bilduma

2009-09-27 Irura [Bertsoa] / Jon Martin, Aitor Mendiluze

Nombre de la estrofa:  Zortziko handia (hg) / Lau puntuko handia (ip) 
Localización:  XDZ - Xenpelar Dokumentazio Zentroa 

---

A.Mendiluze:
Bizitza pozik bizi behar da
txorakeri latza hara!
Datorkizuna ezin sekula
joandakoekin konpara
eta datorren egun bakoitza
onartu behar al da ba
egun bakoitza bukaerarako
pauso berri baldin bada?

J.Martin:
Beti penetan beti penetan
burumakur gehienean
triste kaletik joaten gera
egunaren azkenean.
Jaiotzetiko bizimina dut
nere barren-barrenean
loreak ere ximeltzen ditut
beiratzen ditudanean.

A.Mendiluze:
Ta nola pentsa geu ote gauden
dohai ederrez beterik
inundik ere ez badaukagu
planta tristea besterik?
Neure itxuraz ere ez daukat
oso pozik egoterik
ispilukoak parre egiteak
negargura ematen dit.

J.Martin:
Gu hurbilduta festa batean
sekula ez dugu giro.
Nere buruai egunen baten
eman behar diot tiro
ta tristetzeko motiborikan
aurkitze ez dudan aldiro
barrua triste-edo jartzen zait
ez al da nahiko motibo?

A.Mendiluze:
Nahiz eta izan irripartto bat
sortzeko aina intentzio
barrutik ez du irten nahi eta
igual ez degu desio.
Gazte Alaiak elkarte hortan
horrekin zenbat sesio!
Handik irten ta egin gaituzte
parrokiako sozio.

J.Martin:
Izan gintezke gu tristuraren
lehendakari ta errege
sarri malkoak egiten baitu
irriak aina mesede.
Gizarte hontan asko mintzatu
ohi dira pozaren alde
baina pertsonak jakin behar du
tristuraz gozatzen ere.