Bertsos - Ver ficha   Más información sobre esta sección

2009-12-08 Markina-Xemein Jaialdia [Bertsoa] / Unai Iturriaga, Maialen Lujanbio

Bertsoa entzun  

Información general

Kategoria
Bat-batekoa
Actuación
2009-12-08 Markina-Xemein Jaialdia
Gai-emailea
Egaña, Andoni
Bertsolaris / Autores
Iturriaga, Unai
Lujanbio, Maialen
Ejercicio
Binaka gaia-emanda
Tema propuesto
Maialenek aspaldian bazuen kapritxo bat: maskota bat izatea, animalia bat; eta azkenean lortu du, Unai da maskota hori. Ez dut uste oso ondo konpontzen direnik, hasieran behintzat.

Descripción

Melodia
Nere senarrarekin I
Nombre de la estrofa
Zortziko txikia (hg) / Lau puntuko txikia (ip)

Localización

Localización
XDZ - Xenpelar Dokumentazio Zentroa
Colección / Fondo / Proyecto
Bapatean Bilduma

2009-12-08 Markina-Xemein Jaialdia [Bertsoa] / Unai Iturriaga, Maialen Lujanbio

Nombre de la estrofa:  Zortziko txikia (hg) / Lau puntuko txikia (ip) 
Localización:  XDZ - Xenpelar Dokumentazio Zentroa 


M.Lujanbio:
Beiratu ta egiten zait
bihotza bi zati
hain eder du buru gain
eta sabel azpi!
Vietnamgo txerritxo
beltz-beltza izaki
baina katearekin
ibiltzen ez daki. (bis)

U.Iturriaga:
Honegaz errenditzen
badeukot nahiko lan
ondo tratatu gura
baina ez daki zelan.
Txerri izen ta txakur
lez nindun eraman
ta ez dakit oin "Koink!" edo
"Uau! Uau!" egin behar dan". (bis)

M.Lujanbio:
Kate barruan ez da
egoki kabitzen
baina ni saiatzen naiz
arretaz aditzen
bera hots arraro batzuk
ari da erditzen
baina nik vietnamera
ez det entenditzen. (bis)

U.Iturriaga:
Harreman hau behar da
gaur kolpera eten
ez bada arazoa
ondo eroaten.
Euskaraz eta garbi
nabilzu esaten
nik patata azalik
ez dodala jaten. (bis)

M.Lujanbio:
Beraz patata azala
apartean utzi
nik zure ohiturarik
ez baitet nahi hautsi.
Zakur-jana jarri ta
ez zegon itsusi
azkar asko nun jan dun
palillota guzi! (bis)

U.Iturriaga:
Baipalilloa jan dot
ta orain tripan min
harremana gaiztotu
egin jaku arin
ta behingoan gatazka
hau konpondu dadin
ekarri beharko da
hona Brian Currin. (bis)

M.Lujanbio:
Ezagutzen ditu bai
Currin ta enparau
liluratuta nauka
hau da maskota hau!
Lapurrak datoztela
gaua denean gau?
Nere txerri txikiak
defendatuko nau. (bis)

U.Iturriaga:
Ai! Nik zu defendatu?
Gurago dot hilik!
Ez deukot pistolarik
ez deukot misilik
gauero joaten naz
atera isilik
badaezpada izten dot
sartzeko zabalik. (bis)