Bertsos - Ver ficha Más información sobre esta sección
2010-09-11 Alkiza Jaialdia [Bertsoa] / Amets Arzallus, Andoni Egaña, Beñat Gaztelumendi, Sebastian Lizaso, Maialen Lujanbio, Anjel Mari Peñagarikano
2010-09-11 Alkiza Jaialdia [Bertsoa] / Amets Arzallus, Andoni Egaña, Beñat Gaztelumendi, Sebastian Lizaso, Maialen Lujanbio, Anjel Mari Peñagarikano
Nombre de la estrofa:
Zortziko handia (hg) / Lau puntuko handia (ip)
Localización:
XDZ - Xenpelar Dokumentazio Zentroa
A. Arzallus:
Ez nintzen egon ez Nueva Yorken
ez Hendaian ez Alkizan
ikasle gisa esamin baten
Irunen gertatu nintzan.
Beraz bi irail hamaika hoiek
beti gogoan bizitzan
egun hartan nun egondu ginen
ta gaur nun ez geran izan.
A.M. Peñagarikano:
Irailaren hamaika baten
jende asko zeinen larri!
Ia ahaztuta neukan nik baina
berriz burura etorri:
Egañarekin ni Erasunen
bertsotan buru-belarri
eta Retegik guri eman zigun
atentatuaren berri.
A. Egaña:
Halaxe da bai egia esan du
hargatik nago gustora
Julian Retegi heldu zitzaigun
hain xuxen bion ondora
eta galdera egin genion
“Julian zenbat hildako da?”
erantzun zigun “Ez zekit ziur
baina hogeita bitik gora”.
M. Lujanbio:
Baserritarren eguna zan ta
Hondarrabian nun hartu
han alkandora kuadrodunez ta
permanentez inguratu.
Nahiz historia dena irauli ta
kalendaiua mugatu
hango zezen ta behiek ez zuten
kinurik ere mudatu.
B. Gaztelumendi:
Bazkaldu eta etxean nengon
klasera bueltatzeko zai
eta ez nintzen begi aurrean
neukana ulertzeko gai
hamalau urte neuzkan orduan
gazte xamarra nintzan ai!
Egun hartatik ni aldatu naiz
eta mundua ere bai.
S. Lizaso:
Pentsatzen jarriz oroitzapenak
hainbeste gauza dakarte
Nafarroako Oitzen nintzan
bertso-bazkarian parte
festa giroan irrati eta
telebistatik aparte
gertatu zena ez nuen jakin
etxera etorri arte.