Bertsos - Ver ficha   Más información sobre esta sección

2010-12-08 Markina-Xemein Jaialdia [Bertsoa] / Miren Amuriza, Maialen Lujanbio

Bertsoa entzun  

Información general

Kategoria
Bat-batekoa
Actuación
2010-12-08 Markina-Xemein Jaialdia
Gai-emailea
Goikoetxea, Josu
Bertsolaris / Autores
Amuriza, Miren
Lujanbio, Maialen
Ejercicio
Binaka gaia-emanda
Tema propuesto
Ospitale batean zaudete, ama berrien sailean, erditzeko zain, hiru-lau zentimetroko dilatazioarekin. Oraintxe etorri da erizaina galdetzera: "Zuetako baten batek epidurala gura du?". Maialenek "Bai, nik bai" esan du; Mirenek, ostera, esan du "Ez; nik min guztia sentitu gura dut".

Descripción

Melodia
Nafarroako mendi gainetan
Nombre de la estrofa
Zortziko handia (hg) / Lau puntuko handia (ip)

Localización

Localización
XDZ - Xenpelar Dokumentazio Zentroa
Colección / Fondo / Proyecto
Bapatean Bilduma

2010-12-08 Markina-Xemein Jaialdia [Bertsoa] / Miren Amuriza, Maialen Lujanbio

Nombre de la estrofa:  Zortziko handia (hg) / Lau puntuko handia (ip) 
Localización:  XDZ - Xenpelar Dokumentazio Zentroa 


M. Lujanbio:

Derrepentean eskua altxa
ta eskatu det nik bata
buru haundia dator umea
besterikan ez zan falta!
Animalitasunik behar ez
ta ez ipini nahi marka
mina sentitutzeko gero ere
denbora izango da-ta! (bis)


M. Amuriza:

Une honekin amestu dogu
Maialen biok askotan
eta nahiz eta zainetaraino
ikaratu lehenengotan
umeagatik jarraitu nahi dot
azkenera arte borrokan
bizitzako une garrantzitsuena
ez dot nahi pasatu lotan. (bis)


M. Lujanbio:

Nik alperrikan minik ez det nahi
nahiz ez nagon zure aurka
irten dedila ahalik errezen
bere arnas bere taupa.
Zu karrasika horko mekauen
horko ostia horko puta!
Zure umea jaioko zaizu
zurekin ikaratuta. (bis)


M. Amuriza:

Une hauetan ez da bape be
erraz gordetzen oreka
haserre nago minduta nago
ta izerditurik kopeta
zu ikusten zaitut liluratuta
anestesiaz beteta
eman eskua zuri ez dizu
horrek minik egingo eta! (bis)


M. Lujanbio:

Estimatzen det zure babesa
eskertu zure magala
nik nahi nukeena dena errez egin
dijoana dijoala!
Baina hara hor orratz haundi bat!
Hori al da epidurala?
Pentsatzen nago igual ederra
dala parto naturala. (bis)


M. Amuriza:

Ene Maialen ikaratu naz
neu be Tira! Tira! Tira!
Burua dogu buelta ta buelta
umea jira ta bira.
Nire gizona hortxe egon da
kristaleratik begira
eta orratza ikusi ez arren
mareatuta jausi da. (bis)


M. Lujanbio:

Nere ondokoai ere ikusten
diot bixaje itzela
erdi horia erdi morea
burua nahiko epela.
Ekin daiogun ahal den ondoen
bakoitzak nahi dun bezela.
Gauz bat bakarra da inportantea:
ondo etor ditezela! (bis)


M. Amuriza:

Hau da edozein emakumezkok
nahi lukeen egoera.
Behin honezkero ahalegintzea
hain latza izango ete da?
Benga Maialen arnasa hartu
ta egin dezagun aurrera.
Hurrengo astean parkera joango
gara biok ospatzera. (bis)