Bertsos - Ver ficha Más información sobre esta sección
2010-12-25 Larrabetzu Jaialdia [Bertsoa] / Fredi Paia
Bertsoa entzun |
2010-12-25 Larrabetzu Jaialdia [Bertsoa] / Fredi Paia
Nombre de la estrofa:
Hamarreko handia (hg) / Bost puntuko handia (ip)
Localización:
XDZ - Xenpelar Dokumentazio Zentroa
Zazpi urtegaz gaba osoa
itzartuta egon nintzan lez
nire lehenengo gaupasa egin
neban Olentzero gauez
zapatak ondo-ondo garbitu
gogo eta miresmenez
ta hutsunea gaurko opari
arbola azpiko babes.
Olentzerongan ez dot sinisten
ta antza berak niregan be ez. (bis)
Baina guztia bizitza honetan
da gure barne lilura
zein begiakaz begiratzen dan
bihotz barrutik mundura.
Opari ezak sortuko eban
inorengan arrenkura
baina ni nago benetan pozik
hutsune horren kontura:
opari ederra da Olentzero
Oteizaren eskultura. (bis)
Baina joan da eguna eta
nun da opari maitea?
Alternatiba da Meltxorreri
etxean itxarotea
Baltasar bota zuten lanetik
nolako su eta kea!
Ta posibla da igual Gasparrek
ikatzen bat ekartea.
Erabaki dot urte honetan
monarkiko egitea. (bis)