Bertsos - Ver ficha Más información sobre esta sección
2000-04-15 Bergara Jaialdia [Bertsoa] / Andoni Egaña, Jexux Mari Irazu Muñoa, Sebastian Lizaso, Aitor Mendiluze, Mikel Mendizabal, Anjel Mari Peñagarikano
Bertsoa entzun |
2000-04-15 Bergara Jaialdia [Bertsoa] / Andoni Egaña, Jexux Mari Irazu Muñoa, Sebastian Lizaso, Aitor Mendiluze, Mikel Mendizabal, Anjel Mari Peñagarikano
Nombre de la estrofa:
Zortziko handia (hg) / Lau puntuko handia (ip)
Localización:
XDZ - Xenpelar Dokumentazio Zentroa
Irazu:
Ate atzeetan ez da idazten
literatura kaxkarra;
Mendiluzeren kaka aldia
daukat aipatu beharra;
usadioan zalia degu,
halare mutil azkarra;
pixa eginez jarri zun "gora
Jainkua ta lege zarra".
Mendiluze:
Egia da bai hala esaten det
beti edo gehienean,
hustu beharrak komon batera
eramaten nauenean;
ta azalpena eman nezake
nahiko itxura onean:
txorakeriak esaten ditut
gustora nagoenean.
Irazu:
Mendizabalek ligatu zuen,
hoi ez da nobedadia,
nexka batekin, hartu zun gero
komunerako bidia;
egitekoak egin ta fuera,
zerbait jarri zun ordia;
zer jarriko zun?: "ez det ahaztuko
nere lehenengo aldia".
Mendizabal:
Egoera hortan aurkitu nintzan
ia ezin kabituan;
pertxero bat'e bertan bazegon
oso modu hornituan;
jolasaldian hasitakoan
kopeta izerdituan...
lurra zikina zegoen eta
galtzak ipini nituan.
Irazu:
Athleticzale amorratua,
besterik ez dauka burun!
Sentimentuak gurutzatuta
batzuetan dabil ilun;
orain aspaldi komunera jun
ta narraxkerian jardun
ta irteeran hala jarri zun:
"aurten Reala txapeldun".
Peñagarikano:
Pintada batek komona baten
ez du egiten enbarazu;
zu gezurretan ari zera-ta
oso hasarre naukazu;
ortografia txarra dedala
ondo asko badakizu,
hori ez baina idatzi nuen:
"Jezuz Irazu kakazu".
Irazu:
Andoni Egaña literatoa
hor dabil bere pausuan,
sententzi onak ipini ditu
eroitzen bada lazuan;
ez naiz oroitzen idatzi hartaz,
ez daukat ondo kasuan,
baina espiluai beida jarrita
kopetean idatzi zuan.
Egaña:
Nik kopetean idatzi nuen
abilidaderik gabe,
une haietan nola ez nintzan
boligrafoaren jabe;
hara, kopeta erakusten det,
hemen dezu parez pare,
ta hiru letra soilikan dauzkat,
ximurrak deitzen dirade.
Irazu:
Gure Lizason literaturak
badauka nahiko ixtori...
deskuidatuta neskan komunan
barrura pikaro hori;
pixa ta kaka biak eginda
lasai-lasai gori-gori,
ta irteeran hala jarri zun:
"muxu haundi bat denori".
S.Lizaso:
Denentzako zen muxuarentzat
zuretzat'e bazeguan;
galtzak askatu, lasaitu eta
ametsak hegara juan;
zure izena paper batean
idazle baten moduan;
ez dut esan nahi gero papera
zertan erabili nuan.