BDB Bertsolaritzaren datu-basea

Información general

Kategoria

Bat-batekoa

Actuación

2000-10-07 Tolosa Jaialdia

Conductor/a

Azkune, Laxaro

Bertsolaris / Autores

Garmendia, Txomin

Peñagarikano, Anjel Mari

Ejercicio

Binaka gaia-emanda

Tema propuesto

Txominek mendiko erromeriak ezagutu zituen ondo; garai hartan ondo ibilitakoa da. Anjel Marik, berriz, beheko erromeriak, dantzaleku eta pub eta horrelakoak ezagutu ditu. Zeinek egin ote du neskatan gehiago?

Descripción

Melodia

Gure herriko bikariuak

Nombre de la estrofa

Zortziko handia (hg) / Lau puntuko handia (ip)

Localización

Localización

XDZ - Xenpelar Dokumentazio Zentroa

Colección / Fondo / Proyecto

Bapatean Bilduma

2000-10-07 Tolosa Jaialdia [Bertsoa] / Txomin Garmendia, Anjel Mari Peñagarikano

Nombre de la estrofa:  Zortziko handia (hg) / Lau puntuko handia (ip) 
Localización:  XDZ - Xenpelar Dokumentazio Zentroa 

---

Garmendia:
Odola bero eta ausarta
izaten du gazteriak,
eta gu ere bide hoietan
sarri ginan eroriak.
Gaur Peña honek maitatzen ditu
bai kaleko komeriak;
neretzat gauza ederrak ziran
mendiko erromeriak.

Peñagarikano:
Gauza ederrak nolatan ziran,
gu hori entzunak gaude;
neskatan gehien nork egin duen
nolatan egin du galde?
Berroita hamabi urte zitula
egin zan andrean jabe...
ni hemen nago berroita bikin
inor konkistatu gabe!

Garmendia:
Ai, Peña honek alde batera
egi haundia esan du,
Txomin Garmendia ezkontza hortara
iritsi zala berandu;
eta egiaz berrogeita
hamahiru urtekin ezkondu,
baina, jakin zazu, ordura arte
lotan ez nintzan egondu.

Peñagarikano:
Zeure denboran gauza askotako
ibiliko zinan presto;
orduan ere orain bezela
nahiko baldar, nahiko basto;
bainan ez pentsa neronek ere
daukatenik mila txasko,
txapel bakarra jantzi nuen nik
baina "txapel txiki" asko.

Garmendia:
Ai, Peña maite, bertsoan bidez
gaur nere padezera;
ondo ulertu nahi baldin ba'ezu
belarriaren ertzera;
berandu benik Txomin hau iri-
tsi baitzan ezkontzera,
nik gradu hori hartu nuan ta
zu iritsiko al zera?

Peñagarikano:
Abildadea haundia dunik
ez du inoiz erakutsi;
zeure laguna ez dezazula
hain desonrratua utzi;
zure garaian kantatzen zenun
"no te cases con la Lutxi"...
aitortu zazu nik bezelaxe
ein dezula oso gutxi.

Garmendia:
Gutxi egiteko iritsi nitzan
makina bat lekuraino,
zeru oskarbi bat ikusi nahi ta
sarri gertatzen zan laino;
nere gisara Peñak'e ez du
behar hainbeste enpeino;
burla egiten errezago da
norberak luzitzen baino!

Peñagarikano:
Ta orain berriz aipatu dezu
burla eitearen kontua;
zaudela lasai gaur erabaki
behar degu asuntua;
Diario Vascon idazten dezu
seigarren mandamentua...
oso bizkorra ez naiz ni baino
zu're bastante tontua!

Garmendia:
Garai haietan gu igandero
ibiltzen ginan elizan;
sermoi ederrak entzun ere bai
misiolarian gisan;
ta Peña nik ondo dakit zu gaur
ze klasetara zabiltzan...
zure aukera izandu banu
leheno ezkonduko nintzan!

Peñagarikano:
Ni bezelaxe zuk ere urri
izango zenun aukera;
ondo pentsatzen jarrita ere
jaunak hau da egoera!
Ta Txomin honek zenbat ein zuen
kontuak hortik atera!
Zuk ere praile sartu behar zenun
Zavalarekin batera!

Garmendia:
Alde batera bertso polita
kantatu dezu ondradu,
baina nik ez dizut gaur emango
merezi hainbeste gradu;
eta guztiok badakizute,
gaurr'e lehenago esan du
amonan ohiera sartutzen danak *
gaur maiteko ote du?

Peñagarikano:
Lehen esan dezu aukera pranko
izan zenula antzinan;
lehengo bertsuan mintzatu zera
amorruan eta grinan;
nere ondoan hementxe zaude
inola isildu ezinan...
hainbeste kontu esan bazendu
leheno ezkonduko zinan!

Garmendia:
Barkatu baina horren buelta
emango dizut egoki,
ta azkenerako arrazoietan
hasiko gera poliki;
mendiko erromeritan nik banun
merezi hainbeste toki;
gizarajo honek neska launtzea
ere zer degun ez daki!

Peñagarikano:
Honta ezkero hemen gurekin
ez da izango gauz onik!
Alde batera ez det ulertzen...
nola isildu gizonik;
aitortuko det: santuren planta
sekula ez det izan nik,
baina mesedez ez'idazu esan
gizarajoa naizenik!