2000-08-15 Zizurkil Jaialdia [Bertsoa] / Amaia Agirre, Joxe Agirre, Jexux Mari Irazu Muñoa, Sebastian Lizaso, Maialen Lujanbio, Jokin Sorozabal

Maialen, enteratu gaitun irailean bost kontinenteetan zehar ibiltzekoa haizela bertako kulturak aztertzeko asmoz. Atzeko bostak Maialeni laguntzera doaz.

Descripción

Nombre de la estrofa: Hamarreko txikia (hg) / Bost puntuko txikia (ip)

Localización

Localización: XDZ - Xenpelar Dokumentazio Zentroa
Colección / Fondo / Proyecto: Bapatean Bilduma

2000-08-15 Zizurkil Jaialdia [Bertsoa] / Amaia Agirre, Joxe Agirre, Jexux Mari Irazu Muñoa, Sebastian Lizaso, Maialen Lujanbio, Jokin Sorozabal

Nombre de la estrofa: Hamarreko txikia (hg) / Bost puntuko txikia (ip)
Localización: XDZ - Xenpelar Dokumentazio Zentroa

Lujanbio:
Bost kontinente eta
mila herri gorde
ezagutu nahiean
gabiltza goi ta behe;
Afrikara seguru
joatea hobe,
Xebastian daramat
polizian pare
elefanteik azaltzen
baldin bada ere. (bis)

S. Lizaso:
Nerekin Afrikara,
norekin bestela?
Uste dut asmo hori
okerra ez dela;
ustea behintzat ez da
irtengo ustela,
orru egiten badet
bertsotan bezela,
askok usteko dute
Tarzan bat naizela. (bis)

Lujanbio:
Gero Australiara
pausoka-pausoka
hobe hangoekin ez
sortzea borroka;
Amaia etorriko da,
ta ez gogoz kontra;
hango beltzekin hobe
festara hau bota
larrubixik ibiltzen
ohituta dago-ta. * (bis)

A. Agirre:
Nahiz eta larrubixi
nagon parregarri,
beltzak gustatzen zaizkit
nei ikaragarri;
bertako hondartzetan
estu eta larri
ez naiz ez ibiliko
bainujantzi egarri,
baina Jokin zurekin
ez zazu ekarri. (bis)

Lujanbio:
Nahiz eta ez bueltatu
denbora luzian,
"ni juango nintzake"
Joxek esan zian;
elegante tokatu
liteke Asian,
turbante ta soineko
hor gorputz guzian,
disimulatuko du
bere eskasian. (bis)

J. Agirre:
Gure neska morena
nerekin juanik
ez dut uste askorik
galduko duanik,
horrek uste dun aldian
asko baitakit nik;
orain hemen utzi nau
eskas bat esanik,
gero ez du esango
eskasa naizenik. (bis)

Lujanbio:
Irazu're animatzen
omen da aibala,
oraintxe egin behar dut
talde mundiala!
Rusitik pasatzean
mendira doala,
Txetxeniara bidali
nola edo hala,
honako idea berrik
ekarri ditzala. (bis)

Irazu:
Munduko parajeta
jun asmoz zabiltza,
nik'e eman nizun bai
joateko hitza;
Txetxenia aldera
a zer argi printza!
Idea berri bila
alperrik zabiltza,
han ta hemen idea
berdintsuk dabiltza. (bis)

Lujanbio:
Azkenik joango naiz
Europatik gora,
izotza zeharkatu
ta Ipar Polora;
hango eskimalekin
pasa nahi denbora,
sudurra igurtzea
dute hango moda,
zurekin asmatzea
errez izango da. (bis)

Sorozabal:
Oso lan egokia
hasi zait prestatzen
erreza omen delako
nerekin asmatzen;
baina jarri dun plana
nei ez zait gustatzen,
nahiz eta gauza hasi
ondo bideratzen,
ni horrekin bakarrik
ez naiz konformatzen. (bis)

BDB Bertsolaritzaren datu-basea

Bertsos - Ver ficha Más información sobre esta sección