Bertsos - Ver ficha Más información sobre esta sección
2002-01-20 Mungia Jaialdia [Bertsoa] / Andoni Egaña, Aitor Mendiluze
| Bertsoa entzun |
2002-01-20 Mungia Jaialdia [Bertsoa] / Andoni Egaña, Aitor Mendiluze
Nombre de la estrofa:
Zortziko handia (hg) / Lau puntuko handia (ip)
Localización:
XDZ - Xenpelar Dokumentazio Zentroa
Egaña:
Justiziak du atxilotuta
jotzeko borondatea.
Guk egin gendun bakar-bakarra
geure lana egitea.
Gaur egunean delitua da
nahi den hura esatea
ta okerrago delitua da
belarriak izatea.
Mendiluze:
Lehen Egin-ekin hasi ziren ta
soka berberari tira.
Horretarako aitzaki on bat
eman bagenu sikira!
Garzon aspaldi lege hau zer den
garbi azaltzen ari da:
iritzi denak direla libre
bere aldekoak badira.
Egaña:
Elkarrizketa azaldu gendun
ahal zenik eta gardenen.
Dirudienez entzute hutsa
delitua dugu hemen.
Lehengo garaita itzuli gera
hara kontuak zer diren!
Lehen'e errege despota batek
mezularia hil zuen.
Mendiluze:
Egin genuen elkarrizketa
ta handik zenbat ernegu!
Terrorismoan mehatxupean
delinkuentetzat gaude gu.
Hortik aurrera geuk geure lana
nola egin dezakegu
gertatzen dena kontatu eta
pekatu egiten badegu?
Egaña:
"Elkarrizketa, elkarrizketa"
aldarria denek fuerte
elkarrizketa aipatuz denek
pasa dute hainbat urte;
elkarrizketak ba omen ditu
ez dakit zenbat bertute
ta elkarrizketa egin duena
kartzelan sartu nahi dute!
Mendiluze:
Aspaldi hontan azaldu dute
nahiko aurpegi gogorra
ta gure kontra hastea izan da
hau azkenaurreko obra.
Elkarrizketa famatzen dute
ze elkarrizketa horra:
komeni zaien elkarrizketa
zu mutua ta ni gorra.