BDB Bertsolaritzaren datu-basea

Información general

Kategoria

Bat-batekoa

Actuación

2002-12-22 Galdakao Jaialdia

Gai-emailea

Estiballes, Arkaitz

Bertsolaris / Autores

Iturriaga, Unai

Peñagarikano, Anjel Mari

Ejercicio

Binaka gaia-emanda

Tema propuesto

Zuek biok aitona-ilobak zarete. Zu, Unai, iloba, eta Peña aitona. Aitona gaixorik dagoela-eta logela berean daramazue astebete lo eginez. Asteburua da eta zu, Unai diskotekaz diskoteka ibiltzen zaren horietakoa zara. Logelako mesanotxera joan zarenean zeure droga pastillatxoaren bila, aitonaren bihotzerako pastilla aurkitu duzu. Aitona sukaldean dabil saltoka.

Descripción

Nombre de la estrofa

Zortziko txikia (hg) / Lau puntuko txikia (ip)

Localización

Localización

XDZ - Xenpelar Dokumentazio Zentroa

Colección / Fondo / Proyecto

Bapatean Bilduma

2002-12-22 Galdakao Jaialdia [Bertsoa] / Unai Iturriaga, Anjel Mari Peñagarikano

Nombre de la estrofa:  Zortziko txikia (hg) / Lau puntuko txikia (ip) 
Localización:  XDZ - Xenpelar Dokumentazio Zentroa 

---

Peñagarikano:
Ene iloba polita
hain zaitut kutuna!
Gainera joera jori
da oso txukuna.
Gaizki neukan gibela
gaizki behazuna;
orain hau da indarra
eta osasuna!
Iturriaga:
Ointxe deuku ederra
kaben la puñeta!
Aititeri bihotzak
emon baietz buelta!
Animoz hortxe zabiltz
sartenei kolpeka?
lasai, aitite pozik
hilgo zara eta!
Peñagarikano:
Oraindik ez dut behintzat
nik esan akabo
uste det nagoela
gero ta ederrago.
Pastilla hartu eta
sasoitsu bainago
ea zeu hiltzen zaren
ni baino lehenago!
Iturriaga:
Hortik ez neban jo nahi
aitite argi da;
hor zabiltz armairuan
tira eta tira;
gero platerak bota
gure lur berrira?
amama negarrez dau
zerutik begira.
Peñagarikano:
Amama pozik dago
zerutik harago
estaxis hartu det nik
ta egin bi trago;
akabo neure reuma
akabo lumbago
holako pastillarik
beste inon ez dago.
Iturriaga:
Itxuran pozik dago
halan dau emoten;
bertan bakarrik itxi
lei gaur hau hainbaten.
Agur aitite behar dot
nik kalera urten
ia zure pilulek
ze kolokoi dauken.
Peñagarikano:
Orain bai ez nagola
ni nahigabetua
ondo badakit zer dan
zeure pekatua.
Pilula hori neretzat
madarikatua!
Ta zuk har zazu nere
bikarbonatua.
Iturriaga:
Akabo nire yonki
ta drogata famak!
Entzungo baleuz zure
berba horrek amamak!
Zeuretzako pilulak
bihurtu dozuz armak;
lehen bat ez zenun gura
ta oain ostera danak.
Peñagarikano:
Lehen eri nengoen
eta itsusia
orain hau da grazia
zerutik jausia!
Sukalde gaineraino
egin dut jauzia
"Gora ETA militarra
ta gora Rusia!"
Iturriaga:
Normala entzun deutsut
bigarren zatian
baina lehenengokoa
modu egokian.
Bizi gura zendunak
herrian pakian
bihar ze esango dabe
zure batzokian?
Peñagarikano:
Moldatu egin behar
ahal den bezelaxe
eta erabakia
nik hartu hementxe.
Bihar zer esango det?
me kaguen la letxe!
Gora PNV ta
gora Ibarretxe!
Iturriaga:
Hara gaur hartu dozu
kristolako martxa!
Baina normalagoa
zan azken arrantza.
Aldatuko zinela
neukan esperantza
baina zeure onerantz
bazatoz ja antza!
Peñagarikano:
Pentsa nik ez dudala
esaten gezurrik
eta ezertarako
ez daukat beldurrik.
Unai inguru hontan
ba al da neska zaharrik?
Orain ez daukat-eta
viagra beharrik.
Iturriaga:
Erosi ebazalako
zerura lau ticke
gure aitita joan zan
mundu hontatik fite
ta galdakaoztarrek
hori ondo dakite...
hori bai enpalmauta
hil jakun aitite!