Bertsos - Ver ficha Más información sobre esta sección
2002-08-22 Bilbo Jaialdia [Bertsoa] / Oihane Enbeita, Arkaitz Estiballes
| Bertsoa entzun |
2002-08-22 Bilbo Jaialdia [Bertsoa] / Oihane Enbeita, Arkaitz Estiballes
Nombre de la estrofa:
Zortziko handia (hg) / Lau puntuko handia (ip)
Localización:
XDZ - Xenpelar Dokumentazio Zentroa
Estiballes:
Hamabietan atera gara
dutxatuta eta guapo.
Zita jarrita omen geneukan
hemen Kaskagorrirako.
Tragoa eskatu ta bat-batean
dantzan hasi zertarako?
Zuretzat tipo ona dudalako
kliente ona naizelako...? (bis)
O. Enbeita:
Neska bat hartu aurrean eta
dana burura igota...
bat ere ez da hemen kliente
ta holakorik ez bota.
Agarrau egin nahi zendula ta
zure zilborraren kontra...
soltau nagizu apur bat arren
erdi itota nago-ta! (bis)
Estiballes:
Beraz itota omen zauzkat nik
horrekin zara atara
baina lehenago egina dozu
hainbat barre ta algara.
Zure ezpanak hurbildu eizuz
hemen neure ezpanetara
ta ito bardin egingo zara
ta hobeto egongo gara. (bis)
O. Enbeita:
Goxotasuna ere badozu
nabari da alafede!
Baina ezin dot nahi ta be izan
egoera honen jabe.
Muxu bat emon nahi dautsut orain
nahi dautsut baina ai ene!
Ezpanetara ez naz helduko
puntiletan jarrita be! (bis)
Estiballes:
Puntiletan be ez dala heltzen
erantzun deusta sorginak!
Makurtu ere egin naiteke
bagara hain gazte finak.
Zertako izan hain lotsatiak
herabe eta birjinak?
Itzun gaitezen biok lurrean
guztiok gara bardinak. (bis)
O. Enbeita:
Gerotxuau bai itzungo gara
baina arren ondino ez
pauso bat beste baten atzean
nik ez baitot hartzen errez.
Makurtu ere egin zeinke zu
lehen zuk esan dozun legez
ta behin makurtzen baldin bazara
deklaratu egin zaitez. (bis)