Bertsos - Ver ficha Más información sobre esta sección
2004-03-27 Zestoa Jaialdia [Bertsoa] / Andoni Egaña, Jon Martin
2004-03-27 Zestoa Jaialdia [Bertsoa] / Andoni Egaña, Jon Martin
Nombre de la estrofa:
Zortziko handia (hg) / Lau puntuko handia (ip)
Localización:
XDZ - Xenpelar Dokumentazio Zentroa
J. Martin:
Ahoa pixkat ireki eta
belaxe hasten zait ketan
graduak nahiko beherantza doaz
pilotalekuan bertan...
gorputzik ere ezin berotu
hotzak baikaude benetan;
burua nola bero dezaket
Andoni holakoetan?
A. Egaña:
Nik erantzun bat emango dizut
nahiz ez naizen izan maisu:
gerta liteke hanka puntak hotz
eta burua jo ta su...
plazaz plazako bertsolaria
izan nahian zabiltz, aizu
hori gogoan izanez gero
bera berotuko zaizu.
J. Martin:
Egia da bai bero ninteke
bilakatu arte labe
ta gauza batek erretzen nau ni
mikrohondasaren pare:
lehen saiotan kantatzen nuen
bat'e presiorik gabe
ta orain berriz nei etiketa
bat eman nahiean daude.
A. Egaña:
Gazte garaiko bertsota hura
omen zitzaizun atsegin
orain ospetsu bihurtu eta
ez dezu gozatzen berdin;
zeure burua konformatzeko
egizu beti ahalegin
eta jendeak dioenari
kasu gehiegi ez egin.
J. Martin:
Bada ez dakit askon esanak
ez ote zaizkidan laket
eta badakit antzeko zerbait
sentitu duzue zuek;
lehen asko ere gozatzen nuen
ta saio gutxirako prest
orain hainbeste saio eukita
nola gozatu dezaket?
A. Egaña:
Garai batean saiotik urri
ta orain igo nibela;
garai batean gauzak batera
eta gaur egun bestela..
Aizazu, Martin, sinistu zazu
gozatu zenezakeela
saio bakoitza hartu ezkero
bakarra balitz bezela.