Bertsos - Ver ficha Más información sobre esta sección
1999-03-19 Irun Jaialdia [Bertsoa] / Aitor Mendiluze, Iñaki Murua
Bertsoa entzun |
1999-03-19 Irun Jaialdia [Bertsoa] / Aitor Mendiluze, Iñaki Murua
Nombre de la estrofa:
Zortziko handia (hg) / Lau puntuko handia (ip)
Localización:
XDZ - Xenpelar Dokumentazio Zentroa
Mendiluze:
Mendian gora bagoazela
alkarren pare azaldu,
zu ikusita nik nekatzeko
bildur guztia det galdu;
hori da hori izerdi pila,
ezin nezake igualdu,
eskuan dezun testigu horrek
hainbesteko karga al du? (bis)
Murua:
Karga dexente, zama astuna
daukat eskutan jarrita,
bizibidea korrikalari
ez dut neuretzako maita;
bainan presa ta lasaitasunak
nigan kontraste polita:
euskera lasai bizi izan dadin
ari naiz beti korrika. (bis)
Mendiluze:
Korrika ari zerala baina
hori nekatuan traza!
Urruti dezu indarra eta
estua dezu arnasa;
ta euskerari eingo diozu
nahiko mesede eskasa,
egun osoan ez zera izango
hitz egiteko kapaza. (bis)
Murua:
Zuk ere isilik hobe zenduke
mingainaren maratila,
prenda hartzeko moduko ez da
nere jarrera umila;
aldapan gora testiguakin
nere egoera da zaila,
euskeran alde nekatzen naiz ni
ta zu diruaren bila. (bis)
Mendiluze:
Egia da bai nere saria
izaten dela dirua,
korrikatikan ateratzen det
nik nere bizimodua;
baina ikusita hunkitu egin naiz
eta heldu zait ordua,
ez det lekuko hutsa izan nahi,
utzidazu testigua. (bis)
Murua:
Korrikalari batzuk bederen
zentzu pixkat badaukate,
nahiz ta batzutan zeuen buruaz
gehitxo arduratzen zerate.
Erdibanatu testiguan zama,
ez da geu biontzat kalte,
segi korrika ta ez gelditu
euskera askatu arte! (bis)