Bertsos - Ver ficha Más información sobre esta sección
1999-05-08 Bilbo Jaialdia [Bertsoa] / Oihane Enbeita, Beñat Gaztelurrutia
| Bertsoa entzun |
1999-05-08 Bilbo Jaialdia [Bertsoa] / Oihane Enbeita, Beñat Gaztelurrutia
Nombre de la estrofa:
Zortziko txikia (hg) / Lau puntuko txikia (ip)
Localización:
XDZ - Xenpelar Dokumentazio Zentroa
Gaztelurrutia:
Sarritan eukitzen nau
nunbaiten galduta,
gero eskutan hartu
ta zenbat burruka!
Gure Arkaitz ez dabil
horren lanpetuta,
honek siesta ere
apuntatzen du-ta! (bis)
O.Enbeita:
Ezin heldurik dabil
eta ez da jausten,
bere ibilbidea
ezin baitu eten,
baina toki askotara
ez zaigu joaten,
sarritan bainago ni
komisari baten. (bis)
Gaztelurrutia:
Gure Arkaitzen denak
kontatu beharko,
hala agindu dute
gutxienez gaurko:
amodio kontutan
ikusten dut txarto,
neska izenik behintzat
ez du jartzen asko. (bis)
O.Enbeita:
Miren, Gotzone, Ana,
Marta eta Lurdes,
honek agenda dauka
betea izenez;
nobia bat lortzea
ez daduka errez,
lekua apuntatzen du
baina ordua ez. (bis)
Gaztelurrutia:
Arkaitz aspaldi baten
zitzaigun nagitu,
baina Estiballesek
ondo errenditu;
neska izen ugari,
ia ezin kabitu!
Lahengusina guztiak
apuntatzen ditu. (bis)
O.Enbeita:
Lehengusinekin ezin
egin baita plana,
bi mutilek gaurkoan
falta dute dama;
ta areagotzeko
gure Arkaitzen drama,
telefono bakar bat:
Ugartetxeana. (bis)