Bertsos - Ver ficha Más información sobre esta sección
1998-03-06 Gaztelu Lagun-artekoa [Bertsoa] / Jexux Mari Irazu Muñoa, Maialen Lujanbio, Aitor Mendiluze
| Bertsoa entzun |
1998-03-06 Gaztelu Lagun-artekoa [Bertsoa] / Jexux Mari Irazu Muñoa, Maialen Lujanbio, Aitor Mendiluze
Nombre de la estrofa:
Zortziko handia (hg) / Lau puntuko handia (ip)
Localización:
XDZ - Xenpelar Dokumentazio Zentroa
Mendiluze:
Ostiak ere hondatzen dira
ta hondatuz gero hutsa;
horrexegatik kalidadea
ekarri degu honuntza;
kaduzidade fetxa delako
hori nahi genduke bultza,
ez dezagula lizuntzen utzi
Jaungoikoaren gorputza!
Doinua: Andre txarraren bentajak
Irazu:
Apaiz on baten buruarentzat
pentsamentu bihurria,
bainan halare aukera-aukeran
ez zaude gaizki jarria;
kaduzidade fetxan idea,
idea izugarria!
Hartzen nauenak hartu nazala
labetik irten berria! (bis)
Lujanbio:
Nik igandero hoi probatzeko
hartzen det nere denbora
ta azkenengo jan nuen harek
ez zian egin mejora;
komonera joan ta isuria
bai behera eta bai gora;
nik pekaturik ez det egin ta
ostiana izango da. (bis)
Mendiluze:
Beraz ostia hartu zenuen
ta estuasun ugari;
komunerako premia laister
omen zenuen nabari.
Jakin ezazu mesede eiteko
hartu behar dela hori,
baina ez dio tripai egiten
baizik izpirituari.
Irazu:
Kaltegarria izan liteke
neretzat hoi esatea;
hiruroita hamar urte pasiak
baina nun dauka topea?
Bizi-bizirik zabaldu zaio
zeruetako atea;
apaizek ere behar lukete
kaduzidade epea. (bis)
Lujanbio:
Kaduzidade fetxa dala ta
aztoratu ingurua,
ostia jan ta nik izandu det
gaizkitutzeko modua;
laroita seian jarrita zeukan
kaduzidade gradua;
fetxa hortakoa izango dezu
zuk Riojako ardua! (bis)
Mendiluze:
Fetxak jartzea komeni bada
jarri genitzake errez,
baina ez zaite nigana etorri
zu hainbesteko haserrez;
urte hortakoak dira bai biak,
arrazoi zenuen berez,
beraz ostiak banatzen ditut
baina ardorik inoiz ez.
Irazu:
Sanidade ta garbitasunak
neri zenbat amenazu!
Fededunaren aho barrutan
badet nahiko enbarazu.
Barrura sartu ta kiatsakin
sartu ahala urtu nazu;
eta zuk ere hurrengorako
hortzak garbitu itzazu! (bis)
Lujanbio:
Ogi itxurako paper bat janda
gaizkitu nitzan lehenbizi
eta nola ez, geroztikan naiz
apaizai kejaka hasi.
Egungo fetxa ogi pusketan
bistan nahi det nik ikusi
ta eskatzen hasiz izan daitezke
txokolate eta guzi. (bis)