Bertsos - Ver ficha Más información sobre esta sección
Errail gaineko bidaia [Bertsoa] / Peio Arondo
Errail gaineko bidaia [Bertsoa] / Peio Arondo
Dokumentu-mota:
Hemeroteka (Aldizkari eta Egunkariak)
Argitalpenaren izenburua:
Uk [Aldizkaria] Argitalpen data:
2012-02-29
Localización:
XDZ - Xenpelar Dokumentazio Zentroa
Tren geltokira hurreratu
galtzeko asmoarekin
bide berri bati ekin
eta parajez aldatu;
baina dena ez da bukatu
trenen bat galtzeagatik,
jarraitu behar da bidetik
pauso onez eta baikor,
beti beste bat baitator
galdutakoaren atzetik.
Kea utziz doa trena
igarotako bidean;
oskarbi dago aurrean
etorriko den eszena,
baina ilundu da dena
galdu den trenak hain laster
botatako keari esker
(e)ta kearekin batera
dator hurrengo galdera:
"eta galdu ez banu, zer?"
Nahiz (e)ta bidaia igaro
irensten sua (e)ta kea,
ez dago urrun atea
eta atetik harago
ia dena berdin dago;
denak egin du eztanda
eta aldaketa non da?
Iheserako aukera gutxi,
atzean ezin da ezer utzi
errail gainean joanda.