Bertsos - Ver ficha Más información sobre esta sección
Hondartzako ajeak [Bertsoa] / Iker Gurrutxaga
Hondartzako ajeak [Bertsoa] / Iker Gurrutxaga
Dokumentu-mota:
Hemeroteka (Aldizkari eta Egunkariak)
Argitalpenaren izenburua:
[Aldizkaria] Argitalpen data:
2012-09-14
Localización:
XDZ - Xenpelar Dokumentazio Zentroa
1
Uztaila iritsi, toalla hartu
ta bagoaz irrikitan.
Ai zeinen goxo egoten geran
plaian goizeko eguzkitan,
txiringitoan zerbeza hartuz
itsas-brisaren eztitan…
Baina aurten’e pasatu degu
uda erdia euritan.
2
Aste batzuez albo batera
lagatzen ditugu presak,
hala’re oporretan izaten
dira bestelako kexak.
Aurten ere harritu egin gaitu
hondartzako hondar ezak.
Gizakian kalteak konpontzen
ez dira izaten errezak.
3
Garbi dagoenez itsasoak
bere tokia egiten du,
Hobe genuen egindakoa
bi aldiz pentsa bagendu.
Batzuk diote putomuroa
beharko dutela kendu,
baina ondoko kirol portua,
nola nahi degu mantendu?
4
Gauzak ez ditugu ondo egin,
ta ez gaitezen engaina,
kantauriri ez diogu hartu
nahi bezain ondo tamaina.
nola ez degun errespetatu
berak merezi zun aina,
itsasoak orain itzuli du
guk emanaren ordaina.