Bertsos - Ver ficha Más información sobre esta sección
Kanthore berri batzu [Bertsoa] / Xalbat Dagerre
Kanthore berri batzu [Bertsoa] / Xalbat Dagerre
Dokumentu-mota:
Liburua
Argitalpenaren izenburua:
[Liburua]
Localización:
XDZ - Xenpelar Dokumentazio Zentroa
I
Khantore berri batzu nahi tut pharatu,
Sujeta zertaz den orai deklaratu,
Gure eliza phesta dugu zelebratu,
Eginbide guziak ederki konplitu,
Pilotan jokhatu,
Onheski dantzatu,
Gostuz libertitu
Ez dut uste nehori zaukun dolutu.
II
Libertimendu hori, oi gure herrian,
Aurthen egin dugu plaza ederrian,
Batzu pilotan eta bertziak soinuan,
Laur edo bortz egunez guziak lorian
Theatre gainian
Trionpha handian
Musika joitian
Dantzan ari ginen omore onian.
III
Pilotari horiek kanpotarrak ziren
Ahazpandarren kontra ari baitziren
Gizona galantak dira plazara agertzen,
Ez baitute sekulan makhurrik xerkhatzen,
Ederki jokhatzen,
Bai eta mintzatzen,
Eniz estonatzen
Etsenplu zaharra baitute segitzen.
IV
Ahazparneko horiek pilotan artzian
Akordatzen dira elgarren artian
Nihor ezagutu dut partida batian,
Pare guti dutela Laphurdi guzian,
Ez eta Frantzian
Bardin Espainian
Lege zaharrian
Besogainka jo gabe moda berrian.
V
Leheneko urthetan eliza phestetan
Aste guzia artzen ginen pilotan
Bai eta bertze zenbait dantza jauzietan,
Ostaturaz geroztik khantaz errepikan,
Elgarri pertsutan
Tringatuz artetan
Erreita handitan
Bainan gauherdiko zoin gure postetan.
VI
Bal bat agradablia zuen gazteriak
Huna beaz orai pertsutan berriak,
Xarmagarriak ziren hango dantzariak
Eta partikulazki andere gaztiak
Berenaz propiak
Ederki jauntziak,
Onhestak guziak
Non nahi pharatzeko pare gabiak.
VII
Theatre hartan bazen anhitz soinulari,
Aplikatzen ziren beren musikari,
Muthil gazte xarmantak han ziren ageri,
Etzutela faltarik eginen phestari,
Batzu pilotari,
Bertziak dantzari
Bai eta khantari,
Idibarnegaray zuten pertsulari.
VIII
Gure herriko phesta zoin zen xarmagarri,
Gazetetan behar litake ezarri,
Lehenik Baionarat primala igorri,
Berifika deitzaten zortzi pertsu berri,
Monsieur Dabbadi,
Zu zire nagusi,
Priman buruzagi,
Huntan finitzen dut zure zerbitzari.
Iturria:
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/