Bertsos - Ver ficha Más información sobre esta sección
Herrietako bestak [Bertsoa] / Paul Louis
Herrietako bestak [Bertsoa] / Paul Louis
Dokumentu-mota:
Liburua
Argitalpenaren izenburua:
[Liburua]
Localización:
XDZ - Xenpelar Dokumentazio Zentroa
I
Neurri maitenez hatsa duzun aingerua,
Lagun zakizkit, othoi, utzirik zerua!
Herrietako besta maite ditudanez
Bertsu hauk ont detzadan antze zuk emanez!
II
Gizonaz artha duen Jainko nausi onak
Eman ditu bizian plazeren egunak,
Hari esker ditugu deskansua, bestak,
Atseginekin irri, joko, dantza, kantak.
III
Alegiaren mende xoragarrietan,
Zoriona zabilan Greken herrietan,
Oste handiak bilduz, Olynpian guziz
Koplari ospatuak hauzo sorraraziz.
IV
Pindaro ezin hilaz orhoitzen gareino
Munduan izpiritu phindar diraueino,
Ez dire ahantziren egun aiphatuak,
Thebano koplariak noizbait kantatuak.
V
Fedean ethorkia dute gure bestek.
Guti uste dutela noski hainitz gaztek,
Hortik Eliza besta Herri-bestak deitzen,
Sainduei bailute maiz ohore bihurtzen.
VI
Ezkilak errepikaz goiz abiatzean,
Besta baten berria airez hedatzean,
Zabaltzen du bihotza atsegin nahiak
Ohi baino argitzen Majaren begiak.
VII
Bestako alegriak oihuak baditu,
Erdaldunik gureak ez ditut aditu,
Mendiz kanpo ez baita oihartzun arina,
Ihardesteko gazte guren irrintzina.
VIII
Josteta berdintsuak, atseginen bahi,
Eskaldun gehienak bestez ditu nahi:
Pilota eta dantzak, Pastual, kantekin
Jendea bateratzen plazer berarekin.
IX
Lehen ikusi ditut asko herrietan
Sokha dantzak ibiltzen denen lorietan,
Zertako ez da hori Urruñan ohitzen
Harat Eskaldun oro direnean biltzen?
X
Ziberutar alaiak, hizkuntza maitekin
Bizia nahi luke lasterka, dantzekin,
Arin eta zalhua, oro kortesia,
Bestako plazererat handi du lehia.
XI
Josteta ederrena dituzten herriak
Badakitza non diren urrun gazteriak,
Omen baitarraikote Urruñako bester,
Lapurdi guziak du bestak harat laster.
XII
Han, plaza ederrean, mundu bat inguru,
Pilotari hautentzat aithor eta dira!...
Han ohore kausten du, orai, koplariak,
Bertsu onez baditu kanten mugarriak.
Iturria:
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/