Bertsos - Ver ficha Más información sobre esta sección
Errient naiz lezione emailia [Bertsoa] / Joanes Etxeto "Senpereko Errient"
Errient naiz lezione emailia [Bertsoa] / Joanes Etxeto "Senpereko Errient"
Dokumentu-mota:
Liburua
Argitalpenaren izenburua:
[Liburua]
Localización:
XDZ - Xenpelar Dokumentazio Zentroa
I
Errient naiz lezione emailia,
Gazterien artean,
Ignoranten argitzailia,
Zortiak eman karguan.
Bihotzez dut, Jainkuak emana,
Bihurtuko koruan.
II
Hainitz ona datza kausitzen
Zaldi eder hezia,
Horrekin da konparatzen,
Gizon eskolatua.
Ez da aski estimatzen
Hark egin zerbitzua.
III
Urria zer den ez dakiena
Hortaz trufatuko da.
Metaletan hoberena
Guti estimatzen da
Zeren aditu ez baita
Oi horren aiphamena.
IV
Gisa berian inoranta
Eskolaz da trufatzen,
Haurrian handik urrundu-ta
Gero ez da hurbiltzen,
Inoranki egotu eta
Hala da akhabatzen.
V
Eskolako tretuetan
Badirade bi suerte,
Harat goaten direnetan
Diferent kalitate:
Bat pausatua denean,
Bertzia arina daite.
VI
Eskolan zuhurra dena
Guti da libertitzen.
Baliatu nahi dena
Bethi da jarraikitzen.
Hori daite hoberena
Konpainian agertzen.
VII
Eskol-onak badituzke
Segurki bi efetu
Erran ahal baditeke,
Pendura xuxentzen du,
Eskartatzen denak ere
Xuxen hau segurtzen du.
VIII
Galdegiten datza komuzki
Heia zer den gizona.
Erraiten da bai laburzki:
Eskolan egin dena.
Hori datza, bai diot finki,
Gauza ikhusten dena.
IX
Hortik beraz erraiten da:
Bai eskola behar da:
Gauzetan baliosena
Segurki horixe da,
Zeren han den argitua
Izpiritu flakuena.
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/