BDB Bertsolaritzaren datu-basea

Información general

Kategoria

Bat-batekoa

Actuación

2012-01-21 Tolosa Jaialdia

Gai-emailea

Agirre, Amaia

Bertsolaris / Autores

Sarriegi, Aitor

Ejercicio

Bakarka gaia-emanda

Tema propuesto

Zoriontsu bizi denak, Aitor, ez omen dauka kontsumitzeko premia handirik. Zoriontsu bizi denak gauza material oso gutxirekin aski omen du. Zein da zure zoriontasun maila?

Descripción

Melodia

ETAren su-etenetik

Nombre de la estrofa

Hamalauko berdina, 7 puntuz eta 8 silabaz (hg) / Zazpi puntuko berdina 16 silabaz (ip)

Bertso kopurua

3

Localización

Localización

XDZ - Xenpelar Dokumentazio Zentroa

Colección / Fondo / Proyecto

Bapatean Bilduma

2012-01-21 Tolosa Jaialdia [Bertsoa] / Aitor Sarriegi

Nombre de la estrofa:  Hamalauko berdina, 7 puntuz eta 8 silabaz (hg) / Zazpi puntuko berdina 16 silabaz (ip) 
Localización:  XDZ - Xenpelar Dokumentazio Zentroa 

---

Gizarte honetan bada
nahiko inbidi ta bekaitz
beti gehiagoren bila
eta halere asekaitz.
Etxe haundixeago bat
erosi izan banu garaiz
moto bat erostea ere
burutik pasatu zait maiz
kostan etxe txikiren bat
esnatzeko kresal usaiz
edo mendian borda bat
bere belardi ta harkaitz...
Gauza asko falta zaizkit
baina zoriontsua naiz. (bis)

Iragarki ta argiak
kale luzeetan barrena
begitik sartzen zaizkigu
eta hori da txarrena
bateko eskeintza eta
besteko beherapena
sarri zentzua ez al da
rebajatan dagoena?
Horregatik esan nahi det
askotan esaten dena
zoriontsua ez dala
gauza asko dituena
baizik ta daukan harekin
konformatzen dakiena. (bis)

Guztiok gaude sartuak
kontsumismoaren sendan
gauza asko edukitzea
ona denaren leiendan.
Nik ere gauza gehiago
sartu nitzakeen zerrendan
baina inork ez dit esan
zoriona nun saltzen dan
familia, osasuna
edo lagunak tabernan
irriparre bat ahoan
bertso saio bat agendan...
Ajola zaizkidan gauzak
ez dituzte saltzen dendan. (bis)