BDB Bertsolaritzaren datu-basea

Información general

Kategoria

Bat-batekoa

Actuación

2012-11-02 Ermua Jaialdia

Gai-emailea

Goikoetxea, Josu

Bertsolaris / Autores

Alberdi, Uxue

Ejercicio

Bakarka gaia-emanda

Tema propuesto

Begira zer sagar ederra. Hau omen da suge batek Ebari eman zion sagarra, hau omen da Ebak jan zuen sagarra, hau omen da Ebak Adani eman zion sagarra, baina ondo ukitu, usaindu, eta azkenean gezurrezkoa da.

Gaiari oharrak

Sagarra eskuan zuela jarri du gaia Josu Goikoetxeak, eta gaia jartzen amaitzean U. Alberdiri eman dio.

Descripción

Melodia

ETAren su-etenetik

Nombre de la estrofa

Hamalauko berdina, 7 puntuz eta 8 silabaz (hg) / Zazpi puntuko berdina 16 silabaz (ip)

Bertso kopurua

3

Localización

Localización

XDZ - Xenpelar Dokumentazio Zentroa

Colección / Fondo / Proyecto

Bapatean Bilduma

2012-11-02 Ermua Jaialdia [Bertsoa] / Uxue Alberdi

Nombre de la estrofa:  Hamalauko berdina, 7 puntuz eta 8 silabaz (hg) / Zazpi puntuko berdina 16 silabaz (ip) 
Localización:  XDZ - Xenpelar Dokumentazio Zentroa 

---

Jadanik hautsak jana da
etxeko Biblia zaharra
paradisuko kontua
zuhaitza eta belarra
ta Eba Adan tentatzen
zelako neska kaxkarra!
Gizajoa tentaldian
eroriko zen baldarra.
Baina nik pentsatu nahi dut
bada aldatzeko beharra
badaukagula nahi dugun
eran joateko indarra
nahi dugunean jateko
bekatuaren sagarra. (bis)

Moral itxi bat izan da
kristau askoren zutabe
emeak kateez lotu
izan dituna goi ta behe
etxera zokoratuak
nahiz ta sarritan xuabe
behin bekatu bat eginda
plaza denetatik alde.
Garaiak aldatu dira
ta ez da izango debalde
batere errurik eta
penitentziarik gabe
norbera izan dadila
norbere ekintzen jabe. (bis)

Libre izan nahi dut sagar hau
nahi dudanean jateko
libre izan nahi dut sugea
mihi puntaz tentatzeko
libre Adanekin edo
Ebarekin ligatzeko
libre zuhaitzera igo
ta handik begiratzeko
libre lurrera jeitsi ta
hankak lurrean jartzeko
libre izan amesteko
jolasteko gozatzeko.
Ez dut gogorik inori
azalpenik emateko. (bis)