Bertsos - Ver ficha Más información sobre esta sección
Guerra Europeari jarriyak [Bertsoa] / Joxepa Antoni Aranberri "Xenpelar"
Guerra Europeari jarriyak [Bertsoa] / Joxepa Antoni Aranberri "Xenpelar"
Dokumentu-mota:
Liburua
Argitalpenaren izenburua:
Xenpelar eta bere ingurua [Liburua]
Localización:
XDZ - Xenpelar Dokumentazio Zentroa
I
Ager zaitez, zeruko
uztargi ederra,
pakia ematera;
akabatu gerra.
1
Orra masoikeri ta
pekatuak orra,
orra gure gañian
Jaunaren zigorra;
pakia eskatzen degu,
Ama ta Señora,
gure relijiyua
igo dedin gora.
2
Zaragozara ziñan
etorri, Maria,
armatzat artzen degu
zure Pillaria;
zu gañetik zerala
daukagu fedia,
ez dezaigutela autsi
neutralidadia.
3
Aditu zazu, Ama,
gure erregua,
eta baja zaiozu
launari besua;
erakutsi zaiozu
Europa gaxua,
deika dagokizula
txit lastimosua.
4
Esperantza daukagu
zuri aditzeko,
izar eder bat zera
danok giyatzeko;
ez da gure asmua
oiek itzaltzeko,(1)
bai Aita Santuari
obeditutzeko.
5
Ezta besterik falta,
Jesus, zure naia,
geldituko dirade
kañoi ta metralla;
emaiozu Amari
Dabiden aballa,
akabatu dezala
munduko batalla.
6
Gerr' au asi zanian,
ez genduen uste
luzatuko zuela
gauzak onenbeste;
ez ogei ta bi egun,
juan dira iro urte;
Jesus eta Maria,
urrikal zaitezte.
(1) Frantzes batek erronka egiña omen zuan, Frantziak zeruko izarrak ere itzaliko zituala. [Zavalak egindako oharra]
Iturria: Zavala, Antonio. Xenpelar eta bere ingurua. Oiartzun: Sendoa, 1993. http://ttiki.com/52324