Bertsos - Ver ficha Más información sobre esta sección
Menditarra [Bertsoa]
Menditarra [Bertsoa]
Dokumentu-mota:
Liburua
Argitalpenaren izenburua:
[Liburua]
Localización:
XDZ - Xenpelar Dokumentazio Zentroa
I
Atzo bazen herrian
Arrotz aberatsa
Nik laster mahastian
Moxtean mahatsa
Ikhusi bezain laster
Hasi zaut mintzatzen
Nik utziz lana bazter
Burua altxatzen.
II
Izerditu zare Jauna,
Zu hainitz nekhatu
Balimbaniz ezaguna,
Sober ?ez baliatu
Zato, zato nerekin
Ongi gozatzeko
Axkideak elgarrekin
Biak bizitzeko.
III
Nerekin ikhusiko
Hiri eder hainitz
Nik lakhetaraziko
Zu hirian hainitz
Paris, Madrid ikhusi
Gero bidai itea
Ez aurkhiko itsusi
Atsegin maitea.
IV
Milesker zuri jauna,
Eskaintze ederrez,
Aspaldi dut laguna,
Aurkhitu beharrez,
Egon nahiz herrian
Urrezko eltzea
Utzi bere tokian
Hainitz han heltzea.
V
Zato, zato nerekin
Utz hemen hauzoa,
Ene etxekoekin
Izanen gozoa,
Atsinez iraganen
Luzeki bizia,
Zuenekin izanen
Guziz onetsia.
VI
Zu ene jauregian
Zare jostatuko,
Oihanaren hegian
Maiz ihiztatuko.
Epher buztanikara,
Orein zalu dena,
Uso basa, antzara
Hauta ederrena.
VII
Aski, jaun ona, aski,
Ur doha gainditzea,
Nahi zinuke naski
Ni zu jarraikitzea.
Ez naiz ni deusen gura
Egon nahi herrian
Sortu eta segura
Han bizi mendian.
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/