Bertsos - Ver ficha Más información sobre esta sección
Adios nere maiteari [Bertsoa] / Martin Guilbeau
Adios nere maiteari [Bertsoa] / Martin Guilbeau
Dokumentu-mota:
Liburua
Argitalpenaren izenburua:
[Liburua]
Localización:
XDZ - Xenpelar Dokumentazio Zentroa
I.
Adio, nere izarra!
Adio, maite bakharra!
Zu orai uztia bethiko,
Iduritzen zait hiltzia,
Neke da bainan sekulako,
Adio, nere maitia!...
II.
Aingeru zortheatua!
Izar benedikatua!
Zu zaitut nik behin bethiko
Egun batez adoratu;
Ene bihotzetik kentzeko,
Sobera zaitut maitatu.
III.
Zure gorphutz dohatuak,
Begitarte amultsuak,
Ene bihotza du ondikotz!
Bere xarmez liluratu,
Dohakabea sekulakotz,
Zugatik naiz enganatu!
IV.
Amodioak nau galdu,
Sobera zaitut maitatu,
Ez naiz zu gabe ez ni luzaz
Mundu hunetan biziko.
Zure eskasak laster penaz
Bizia deraut kenduko.
V.
Zu gatik lili ederra,
Ixurtzen dizut nigarra,
Halarik ere progetxurik,
Ez dut hainitz esperantza,
Neretzat ez da zorionik.
Hau da bada zorthe latza!
VI.
Oi zorthe dohakabea!
Bihotz-min pare gabea,
Ez othe da bada lastima,
Izar bat hola galtzea,
Orhoitzapen horrek nerama,
Mundutik, nere maitea!
VII.
Zerua eder denean
Trixterik nago etxean!
Zer dudan zugatik sofritzen,
Oi, maitea, bazinaki!
Ez banauzu ere maitatzen,
Pena zinduke segurki.
VIII.
Oi, lili xarmagarria!
Neke zait zure uztia,
Mundu huntan zure pareko
Ez dut nik nihon aurkitzen,
Ez du segur ederragorik
Ez iduzkiak argitzen.
IX.
Adios, beraz, maitea!
Izar parerik gabea,
Adio, beraz sekulako!
Zeruetako amea,
Ene bihotza zuretako,
Adios nere maitea!
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/