BDB Bertsolaritzaren datu-basea

Información general

Kategoria

Bat-batekoa

Actuación Periódica (Saioarena)

Bertsolari Txapelketa Nagusia (16. 2013)

Actuación

2013-10-26 Oion Txapelketa

Gai-emailea

Berriozabal, Maite

Bertsolaris / Autores

Ibarra, Iratxe

Sarasua Laskarai, Maddi

Ejercicio

Binaka gaia-emanda

Tema propuesto

Gaur goizean, mendira joan zara Maddirekin. Bidean, minutu oro geratzen da Maddi argazki bat atera eta Interneten zintzilikatzeko.

Descripción

Melodia

Orain hasi bihagu

Nombre de la estrofa

Zortziko txikia (hg) / Lau puntuko txikia (ip)

Bertso kopurua

6

Localización

Localización

XDZ - Xenpelar Dokumentazio Zentroa

Colección / Fondo / Proyecto

Txapelketetako Bilduma

2013-10-26 Oion Txapelketa [Bertsoa] / Iratxe Ibarra, Maddi Sarasua Laskarai

Nombre de la estrofa:  Zortziko txikia (hg) / Lau puntuko txikia (ip) 
Localización:  XDZ - Xenpelar Dokumentazio Zentroa 

---

I.Ibarra: Hasieran ez zendun
ona etorri nahi
baina azkenerako
zuk esan zendun bai.
Argazki eta argazki,
orain oi! Gero ai!
Deskantsau nahi badozu
esaidazu lasai.

M. Sarasua : Lasai goruntza noa
poliki-poliki!
Baina kamara harturik
ta zapalduz finki.
Edertasuna mendi
ta eguzki izpi,
ezin dugu guretzat
bakarrik atxiki!

I.Ibarra: Argazkiak egiten
ze abilidade!
Lora danen aurrean
jarriz parez pare,
Sinesgarritasuna
ez da nobedade!
Sinistuko deutsue
berbaz esanda be!

M. Sarasua: Hitzetan sinisteko
behar naute entzun
ta nola biak giren
haiengadik urrun,
frogatu nahi diet
mendi hontan egun
elkarrekin zein ongi
pasa dezakegun!


I.Ibarra: Edarto zabizela
nabil ni pentsetan,
baina buru barrua
jada daukat ketan
Argazki kamaragaz
danak demostretan
eta mendia zinez
ez da disfrutetan!

M. Sarasua: Ez zira ohartu ze
mendizale naizen!
Gailurrerantz korrika
Eta zuzen-zuzen,
baina nola kexuka
hasi ziren ozen,
lasai utziko dizut
hurrengoa hartzen!