BDB Bertsolaritzaren datu-basea

Información general

Kategoria

Bat-batekoa

Actuación

2016-01-23 Tolosa Jaialdia

Conductor/a

Agirre, Amaia

Bertsolaris / Autores

Gaztelumendi, Beñat

Ejercicio

Bakarka gaia-emanda

Tema propuesto

Pantailatik jartzen zaio gaia. Bertako bideoan Inaxi Etxabe bertsolaria ageri da, pasatu berri den Gipuzkoako finalean Beñati txapela jantzi ziona. Honela dio Inaxik:
Beñat, hauxe duzu hiru bertso kantatzeko gaia. Zuk eskerrak eman zenizkien erratz batetik kantari jartzeagatik mutil lotsati hura. Nik ederki ulertu nizun. Nola uste duzu bizi nuela nik bertsolaritza? Argiago ikusteko, tori nire betaurrekoak.

Descripción

Melodia

Gure aurreko guraso zaharrak

Nombre de la estrofa

Hamarreko handia (hg) / Bost puntuko handia (ip)

Bertso kopurua

3

Localización

Localización

XDZ - Xenpelar Dokumentazio Zentroa

Colección / Fondo / Proyecto

Bapatean Bilduma

2016-01-23 Tolosa Jaialdia [Bertsoa] / Beñat Gaztelumendi

Nombre de la estrofa:  Hamarreko handia (hg) / Bost puntuko handia (ip) 
Localización:  XDZ - Xenpelar Dokumentazio Zentroa 

---

B. Gaztelumendi
Ume lotsati hura bertsoak
behin egin zuen askea.
Bertso eskolen helburu ez da
soilik kantuz ikastea
baina tokatu zitzaidan mutil
baten moduan haztea.
Nahiko bazenu zuk bizitua
neri esanaraztea
ez dakit aski ote den zure
betaurrekoak janztea.

Entzun izan det etxean jardun
izan zinela xuabe
lehenik besteen bertsoak botaz
gero zure hitzen jabe
baina oholtzan jardun al zinen
besteekin parez pare?
Ahalegintzen naiz ta ulertzea
zail egiten zait hala’re
bertsoa nola bizi daitekeen
plazarik eduki gabe.

Mutilak eta neskak bereizten
guk umetatik dakigu
eta sistema horren barruan
aritu gera beti gu.
Azken finean bertsolaritzak
ere problema hori du:
nik botatako bertsoak ia
sarri iritsi zaizkigu
eta aukeran nahio nuke zuk
kontatuko bazenigu.