Bertsos - Ver ficha Más información sobre esta sección
2017-10-07 Zalla Txapelketa [Bertsoa] / Miren Amuriza
| Bertsoa entzun |
2017-10-07 Zalla Txapelketa [Bertsoa] / Miren Amuriza
Nombre de la estrofa:
Hamalauko berdina, 7 puntuz eta 8 silabaz (hg) / Zazpi puntuko berdina 16 silabaz (ip)
Localización:
XDZ - Xenpelar Dokumentazio Zentroa
Laurogei eta bi urte
gorputz honetan nabari
ditudan arren nahi nuke
askatasunean ari
eta joan zen astean
gure etxeko bilobari
eskatu nion mobil bat
ekar zezala opari.
Neure gelara sartu naiz
agur esan munduari
ta ohe gainean utzi
ditut arropa ugari (bis)
ta argazki bat atera
diot neure buruari.
Nabaritzen da azala
nola aldatu zaidan aldez
nola dauzkadan bularrak
tinkotasunaren galdez
aluan ez dut ilerik
besapeetan bi trabes
ta izterretan barizeek
xume hartzen dute babes.
Neure muga bat hautsi dut
erretratu hau eginez
ta gorputzari begira
liluratua naiz zinez (bis)
niretzat ederra bada
besteentzat zergatik ez?
Orain zalantzan jarri naiz
mobila eskuan dudala
bidali edo ez bidali
lotu ala ez uhala.
Tira, erakuts dezadan
ez baita izan makala
nahiz ta gure familian
sortuko den arrakala
noz edo noz hil egingo naiz
noski tokatzen da hala
ta ez dut nahi esan dezaten
nintzela andre legala (bis)
baizik oroitu nazaten
amona ausart bezala.