Bertsos - Ver ficha Más información sobre esta sección
2015-12-19 Donostia Txapelketa [Bertsoa] / Agin Laburu, Jon Maia
Bertsoa entzun |
2015-12-19 Donostia Txapelketa [Bertsoa] / Agin Laburu, Jon Maia
Nombre de la estrofa:
Zortziko txikia (hg) / Lau puntuko txikia (ip)
Localización:
XDZ - Xenpelar Dokumentazio Zentroa
J. Maia:
Ai ene ze moderno
ai ene ze luxu!
Ez daukat gogorikan
ez nere barne su
itxura horrekin nola
etorri zera zu?
Zu bero zaude baina
ni hotz uzten nauzu. (bis)
A. Laburu:
Nere senarrarekin
emazte xalada
gizon bertsolariak
nolako bolada
beti bertso afariz
baino nahikoa da
holaxe daramazkit
hiru hamarkada. (bis)
J. Maia:
Hori da hori sermoia
azkar eta ri-rau
pasa omen dituzu
honela mila gau
artile kaltzetinak
poltsa beroa, uau!
Peñaren txapelaren
garaikua da hau. (bis)
A. Laburu:
Hala esan du eta
kozkatu mingaina
lagun det Peña eta
lagun det Egaña
txapelaren kontua
ere alajaina
jaztia ere ia
pentsatu det baina. (bis)
J. Maia:
Janztia omen dezu
oraingo eskari
ta ni buelta ematen
esaera zaharrari
zu berotu zaitezen
hobeto dut ari
ogi gogorra sartzen
Agin zorrotzari. (bis)
A. Laburu:
Nahiz errita egiten
beti zeran maisu
zugan pentsatuz ere
ipini natzaizu
kantzontzilo berriak
erosi ta aizu
artilezkuak dira
kajoian dauzkazu. (bis)