Bertsos - Ver ficha Más información sobre esta sección
2019-11-02 Azkoitia Txapelketa [Bertsoa] / Beñat Gaztelumendi, Ander Lizarralde Jimeno
| Bertsoa entzun |
2019-11-02 Azkoitia Txapelketa [Bertsoa] / Beñat Gaztelumendi, Ander Lizarralde Jimeno
Nombre de la estrofa:
Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip)
Localización:
XDZ - Xenpelar Dokumentazio Zentroa
B. Gaztelumendi:
Lau urtetatik gorako
arropa ez da modako
hala’re josten biok ikasi
degu zenbait gako
krisi garaia delako
jendea ez dabil galako
nunbait dirurik ez da iristen
berrietarako. (bis)
A. Lizarralde:
Esan duzu, bai, egitan
gabiltzala gu krisitan
ta hori ederki antzematen da
hirutatik bitan
ikusten ditut begitan
arropak pila haunditan
krisia pasa omen zaigula...
Ez etxe guztitan! (bis)
B. Gaztelumendi:
Dena ez baita zinegotzi
asko lanetik egotzi
eta zituzten diru apurrak
bankuan ehortzi
nahiz aurrezkiak egosi
ezin arropa erosi
ta hala gabiltza besteen zuloak
josi eta josi. (bis)
A. Lizarralde:
Zulo guztien gatibu
ez al gabiltza beti gu?
Nonbait krisiak horrelakuak
ekarri dizkigu.
Genuen hainbeste diru
guziak juan zaizkigu
gizarte hontan umiltasunak
on egingo digu. (bis)
B. Gaztelumendi:
Baina garaia jeisteko
denik ez dezu usteko
batzuk ez dute ta konplexurik
soldatak puzteko
galtza aurre ta osteko
dirurik ez erosteko
ta denborarik ez zait gelditzen
nereak josteko. (bis)
A. Lizarralde:
Lotuak lanan katera
hori agian kaltera
baina oraindik txukun samarra
daukagu kartera
lehen igo ginen haizera
orain guzia haize da
ia berriro itzultzen garen
langile klasera. (bis)