BDB Bertsolaritzaren datu-basea

Información general

Kategoria

Bat-batekoa

Actuación Periódica (Saioarena)

Gipuzkoako Bertsolari Txapelketa (11. 2019)

Actuación

2019-11-17 Arrasate Txapelketa

Gai-emailea

Iriarte Iribar, Iker

Bertsolaris / Autores

Apalategi Astigarraga, Iñaki

Martikorena, Eñaut

Tema propuesto

Lankideak zarete. Laneko bidaia batean, hotelean gela partekatzea egokitu zaizue. Gelan sartzean ikusi duzue ohe bakarra dagoela.

Descripción

Melodia

Aranora joan ziran I

Nombre de la estrofa

Zortziko txikia (hg) / Lau puntuko txikia (ip)

Bertso kopurua

6

Localización

Localización

XDZ - Xenpelar Dokumentazio Zentroa

Colección / Fondo / Proyecto

Txapelketetako Bilduma

2019-11-17 Arrasate Txapelketa [Bertsoa] / Iñaki Apalategi Astigarraga, Eñaut Martikorena

Nombre de la estrofa:  Zortziko txikia (hg) / Lau puntuko txikia (ip) 
Localización:  XDZ - Xenpelar Dokumentazio Zentroa 

---

I. Apalategi:
Hara gure laneko
enpresan ordaina
Eñaut, ikuste al dezu
ohean tamaina?
Nik berez leku gutxi
beharko det baina
hemen ez det ikusten
biontzako aina.

E. Martikorena:
Enpresa gela hartzen
ez zan aitu garaiz
hau al degu guk lana
egitean emaitz?
Ni haundigoa nauzu
alturaz ta urdaiz
ohe txiki honetan
justu kabitzen naiz.

I. Apalategi:
Ba konpondu didazu
nik neukan dilema
akabo arazoa
akabo problema
tokia bada haundiak
beharko duena
hemen lurrean dago
toki haundiena.

E. Martikorena:
Honek neri alfonbra
opa dia, tapa!
Baina gu biok orain
gaztiak gera ta
nahiz ta bihar goizian
ingo deun botaka
jungo al gera lanera
gaupasa botata?

I. Apalategi:
Neri ez zait gustatzen
juergan panorama
bihar goizean lana
bikoitza daukana
esan jefeai biali
soilik erdi bana
eta egingo det nik
bion partez lana.

E. Martikorena:
Ba gustatu zait orain
daukazun gidoia
ta nola kendu orain
zuri arrazoia?
Zu igual zahartu zera
pasia sasoia
ni parrandara noa
zuretzako ohia.