Bertsos - Ver ficha Más información sobre esta sección
Urguiluaz [Bertsoa] / Augustin Etxeberri
Urguiluaz [Bertsoa] / Augustin Etxeberri
Dokumentu-mota:
Liburua
Argitalpenaren izenburua:
[Liburua]
Localización:
XDZ - Xenpelar Dokumentazio Zentroa
I
Horaiko andre gaztek zer dute buruan,
Ez gaitazke gu pasa hoien inguruan,
Behar ginuke pasatu xapela eskuan,
Ustez guziak diren aberats graduan.
II
Urguiluak mundu hau iretzi urran du,
Beren hartarainokorik ikusten ditugu,
Satanen pentsu hori andriek ongi hartu
Horaiko andrientzat deusik ez gare gu.
III
Satanen pentsu hori, oi, zer adrezia,
Eta horaiko andriek zenbat malezia,
Hola nahi lukete egin gan lantzia
Fu! egin diotet, hau da ausartzia.
IV
Nola diren nekhatzen horaiko grizetak,
Khadira fotilian harturik gazetak
Batzu mendisentzian, bertzeak menetak
Nahiz izan detzaten buruan bonetak.
V
Mirail baten aldean goiztiria pasa,
Aise hartzen dutela lanetako hatsa,
Zertako makhil batez etxetik ez kasa,
Egiteko fortuna pobria edo aberatsa.
VI
Heldu dire ohetik tualetatuak,
Orraze espres batez iliak harrotuak,
Arropak ere aski ongi brotatuak,
Hauk andre baliosak mundura sortuak.
VII
Batzu izanarekin, bertziak gabian,
Promenetan dabiltza bidien erdian,
Ustez heki begira gaudezen lorian,
Ez gare gustaturen hoietaz agian.
VIII
Idabazten tuztenak buta tualetan,
Eginikan oraino zorrak botilhetan,
Non baitik ahal balute daude lorietan
Behar dute ibili nonbait ferietan.
IX
Hoik bidian ikhustiaz behar du lotzatu,
Urguiluz ezin dute nihondik khurritu,
Jaun xapeletakuei mintzaire saindatu,
Orduan nahi lukhete fortuna zerratu.
X
Igoil atso batzuek erdi konkortuak
Hek iduri baitute bietan sortuak,
Krinolinak soinian dena harrotuak,
Zer ustia oraino atso zar gaizuak.
XI
Nahiz izan zaharra eta muzurdina
Khupela bezin zabal haren krinolina,
Bizkharra makhur eta elia urdina,
Bertzerena denaren postixan egina.
XII
Jaunak eta andreak, finitzen dut huntan,
Urguilu zarra franko bada mundu huntan,
Eta partikulaski horaiko andretan,
Ez ditake ezagut pobria aberatsetan.
Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997, 223-224 or.
http://hedatuz.euskomedia.org/4008/