Bertsos - Ver ficha Más información sobre esta sección
Garibaldi [Bertsoa] / Jean Landart
Garibaldi [Bertsoa] / Jean Landart
Dokumentu-mota:
Liburua
Argitalpenaren izenburua:
[Liburua]
Localización:
XDZ - Xenpelar Dokumentazio Zentroa
I
Gerlan aiphatu bat khantatzera noa
Harrentzat ene boza nahiz den flakoa,
Nola Roman baititu azken balentriak,
Ikhustera zatozte gerlako tokiak.
II
Horra Monte Rotondo segidan Mentana,
Hor da bihotza sutan Zesar bigarrena,
Zin egin du goraki Romaz jabetzea,
Edo haren athetan hilik erortzea.
III
Bainan, haren lagunak, ez othoi, ez izi,
Kharramitxa bat gabe osorik da bizi,
Beldurra du bakharrik hertzetan barnaxko,
Ez du zenbeit egunez purgarik beharko.
IV
Garibaldik ezpata gerrian lotzean,
Ezproinak etzituen ahantzi etxean,
Eta nahiz ezpata guti baliatu,
Bai, ezproinen beharra segur izatu du.
V
Ikhustean etsaiak balekin jostatzen,
Gure xamar gorria hula zen mintzatzen:
Hauk, iduriz, biziak ditiztek milaka,
Nik ez baitut bat baizik banoha lauhazka.
VI
Hanitzek uste dute zin egin geroztik,
Etzela behar ihes laxoki gan sutik,
Oi! zer xorokeria! putrun bizitzea,
Hobe baita ezenez bihotz-dun hiltzea.
VII
Honela Garibaldik ahal du jujatu,
Xistuz etsaien balek dutenean gorthu,
Ixilik erran dio bere buruari:
Ez duk ona musika, Zesar, urrun hadi.
VIII
Garibaldik gaindizka ditu berthuteak,
Baten argiratzeko lanjerean denak,
Emaitea zitzaion erhokeria bat,
Beraz ainhitz zuhurki gan da gibelerat.
IX
Orai zertan othe da gure gerlaria?
Oraino kokoriko othe da jarria?
Ez altxatu zen, bainan Romaz badu gaindi,
Kanta dezagun, beraz, Biba Garibaldi!
Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997, 237 or.
http://hedatuz.euskomedia.org/4008/