Bertsos - Ver ficha   Más información sobre esta sección

Itsu bat [Bertsoa] / Piarres Ibarrart "Bettiri"

Información general

Kategoria
Ez bat-batekoa
Actuación Periódica
Lore Jokoak (20. 1872. Sara) Idatzizkoa
Bertsolaris / Autores
Ibarrart, Piarres "Bettiri"

Descripción

Título
Itsu bat
Dokumentuan jasotako izenburua
Itsu bat
Dokumentuan jasotako bertsoaren hasiera
Hogoi eta bi urthe, adin ederrean, Gaizkienik ahal naiz gizonen artean
Firma
Piarres Ibarrart
Fecha
1872-00-00
Melodia
Gernikako arbola
Bertso kopurua
9
Bertso dokumentu mota
Liburua

Localización

Localización
XDZ - Xenpelar Dokumentazio Zentroa

Datos de publicación

Argitalpenaren izenburua
[Liburua]
Páginas
265

Itsu bat [Bertsoa] / Piarres Ibarrart "Bettiri"

Dokumentu-mota:  Liburua  Argitalpenaren izenburua:  [Liburua]
Localización:  XDZ - Xenpelar Dokumentazio Zentroa 


I
Hogoi eta bi urthe, adin ederrean,
Gaizkienik ahal naiz gizonen artean,
Atsegabe guziak emanik batean,
Othe litazke deusik nerearen aldean,
Munduan bizi behar bethi ilhunbean (bis).

II
Nere ait´ametarik xoilki dut aditu,
Sehaskan haur xumea nintzela itsutu,
Zeruko aitak hola nintuen dohatu,
Gau beltz huntan behar dut bizia higatu,
Egunaren argia ez dut ezagutu.

III
Zori gaitz hau ethorri behar zen nigana
Nork ez du auhenatzen nere bihotz mina,
Urosa da mundua ikhusten duena,
Jainkoak eman oner begira dagona,
Dakiena noiz diren gau eta eguna.

IV
Ez da hainitz munduan ni bezala denik,
Bista galdu duenik horren gazte danik,
Haur denboran ez nuen horrelako minik,
Neretzat zorigaitza! ezagutza jinik,
Lur hau ikhusi nahiz nehon ez dut onik.

V
Baditu itsasoa, bai eta mendiak,
Argizagi, iguzki, airean xoriak,
Hainbertze gauza eder, udako liliak,
Entzuten ditut bethi guzien berriak,
Eta nik ezin heda hetarat begiak.

VI
Zonbat amets ederrez gauak iragaiten,
Argitua naizela gogoak emaiten,
Ametsa zela ere ez nuen sinhesten,
Leihora noha, bainan deusik ez ikhusten,
Bihotza nigarretan oherat itzultzen.

VII
Lanean hari zare, zu aita zaharra,
Bazinuke ardura bai ene beharra,
Haurriderik gabea ni seme bakharra,
Oi! ene bihotzeko oinhaze gogorra,
Nola paga dezaket zuri dudan zorra?

VIII
Ama, zer gurutzea duzun jasaiteko,
Zure bihotz eria nork du sendatuko,
Ni bistan aski nauzu nigar egiteko,
Ez duket zorionik mundupe huntako,
Noiz zare bada, jauna, zu urrikalduko?

IX
Hasi ditudan bertsua huntan akhabatzen,
Nere leize beltzean ilhunik gelditzen,
Bihotzaren erditik othoitz dut eginen,
Bista ona guziek izan dezazuen,
Eta lur hau uztean zeruan sar gaiten.

Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997, 265 or. http://hedatuz.euskomedia.org/4008/