Bertsos - Ver ficha Más información sobre esta sección
Gizonaren bi janari [Bertsoa]
Gizonaren bi janari [Bertsoa]
Dokumentu-mota:
Liburua
Argitalpenaren izenburua:
[Liburua]
Localización:
XDZ - Xenpelar Dokumentazio Zentroa
I
Arren, ikus zazute,
Altxa ta begira,
Zeru-lur-itsasoak
Zeinegatik dira?
Ezerezetik gizonagatik
Sortu ziraden argira?
II
Gizona bizi dedin
Gizona bezala
Anima ta gorputzez
Bat-egina dala,
Zabaldu dio, Jainko maiteak
Bere mesedeen magala.
III
Janari xit gozoak
Gorputzarentzako
Mila bider obeak,
Aisa animentzako
Antola ditu zeru lurretan
Gizonen zoriontzako.
IV
Aurra jaio ta laster
Bular esnetiak
Ezti-goxo-goxoak
Aia ta mamiak
Eroso ditu pozik emanik
Bere amatxo maitiak.
V
Indarretan aurrera
Asetzen danean
Gizon eginda gora
Buruba altxatzera
Bazter guziak zabal zabalik
Dakus beraren aurrean.
VI
Jaunak ematen dizka
Mundu zabalean
Abere ta ogi asko,
Sasoin ederrean,
Miloika egazti aize-egaletan
Ta arrai gozoak urean.
VII
Baso soro zelaiak,
Baratza atseginak,
Jaki ta fruitu gozoz
Alkarren berdinak.
Gizonarentzat on izan dedin
Dira Jainkoak eginak.
VIII
Baina zer dute ekusi
Janak eta edanak
Gorputz ilkor onentzat
Ugari emanak
Zeru danari Jainkozkoakin
Naiz ekusten ez diranak?
IX
Jaunaren grazia ta
Jesus-Jainko Bera
Eta gure animetan
Biyen sartuera
Da janari bat goitzen duena
Gizona aingeruez gainera.
X Sakramentu santuen
Zazpi iturriyak,
Bizitza dariyela
Dauzkagu irikiyak,
Erdi-erdiko iru ta laubat
Artu litezke sarriyak.
XI
Karidade betiko
Maitakizun pina,
Da animaren barruko
Birtute erregina,
Indartzen gaitu, iritxi arte
Zeru goienen erpina.
XII
Animaren bazkari
Da argi zerukoa,
Erreinutzen duena
Gure adimentua,
Ezagun dezan gauza bakoitza
Bera dan bezelakua.
XIII
Denbora izpi bat dala
Munduko izatea
Arekin behar dala
Zerura juatea,
Gaistoarentzat pistuba dala
Betiko garren leizea.
XIV
Jainkoaren esanak
Eta santubenak
Ditugu zerurako
Bide zuzenenak,
Birtutetsuak izan gaitezen
Erakusterik onenak.
XV
Oiei jarrai deiegun
Bagera gizonak
Bila deitzagun beti
Egiazko onak
Gure animai eta gorputzei
Gure Jainkoak emonak.
Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997, 275-276 or. http://hedatuz.euskomedia.org/4008/