Bertsos - Ver ficha Más información sobre esta sección
Mihizlariak [Bertsoa] / Gratien Adema "Zalduby"
Mihizlariak [Bertsoa] / Gratien Adema "Zalduby"
Dokumentu-mota:
Liburua
Argitalpenaren izenburua:
[Liburua]
Localización:
XDZ - Xenpelar Dokumentazio Zentroa
I
Gure herri xumetan
Zenbat hitzuntzi!
Zinez nola jostetan,
Oro erasi,
Gezur nahasi,
Erne daude nor zertan
Hobendun kausi,
Nori phitz hautsi,
Ez nahiz deus bertzetan (bis)
Onik ikusi (bis).
II
Beren hutsak utzirik,
Khexu bertzenez,
Mihiak xorrotxirik,
Daude auhenez,
Denen hobenez,
Nihor ez da garbirik
Hoien erranez,
Kanpoz ez barnez,
Zenbat hoik ausikirik (bis)
Dagozin minez! (bis)
III
Izan dadin egia
Edo gezurra,
Bethi hoien mihia
Doha itsura
Hauts edo urra:
Den mendren iduria,
Edo itxura
Zaie segura
Hain da hoien loria (bis)
Bertzen malura. (bis)
IV
Gabaz Akhelarretik
Mainguka jinak,
Hasten dire goizetik
Gure sorginak,
Moko saminak,
Sist handik, sast hemendik,
Zer listafinak,
Laphar, ausinak!
Sendatzea luze dik (bis)
Hek egin minak. (bis)
V
Mihiak du erraten
Zer den barnea,
Bihotza zenbat daiten
Gerla gosea,
Ezin asea:
Hauzo eta ahaiden
Makhurtzailea,
Zer ezkabea!
Jainkoaren ez jenden (bis)
Beldur gabea. (bis)
VI
Holakorik ez bedi
Gure artean
Agertzerat atrebi,
Edo lurpean...
Suntsi beite han.
Girixtinoak bethi
Jainko legean
Eta bakean
Bizi gaiten maiteki (bis)
Batasunean. (bis)
Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997, 354-355 or. http://hedatuz.euskomedia.org/4008/