Bertsos - Ver ficha Más información sobre esta sección
Ziberuak Laphurdiri [Bertsoa]
Ziberuak Laphurdiri [Bertsoa]
Dokumentu-mota:
Liburua
Argitalpenaren izenburua:
[Liburua]
Localización:
XDZ - Xenpelar Dokumentazio Zentroa
I
Egun hun Jinkuak deizula
Musde Antoine d´Abbadia,
Ziberuak salutatzen zutu
Laphurdiko nublia,
Aspaldian entzuten dugu
Zure fama handia,
Egun hun Jinkuak deizula
Musde Antoine d´Abbadia.
II
Nahiz ezkiradian kapable
Zure aski laidotzeko,
Khantoriak berririk batugu
Ziberuan zuretako,
Esparantxareki makhurrak
Deizkutzula pharkatuko,
Gure ignoranziaz Laphurdin
Eztirela trufatuko.
III
Ziberuan Barkoxe deikuzu
Jauna zuk uhuratzen,
Kartiel huni beiterozue
Amorio markatzen;
Zure obra hunak ditizu
Jinkuak benedikatzen,
Gure aldetik zutugu jauna
Orok ermesiatzen.
IV
Laphurtarren ororentako,
Zuri gira mintzaturen,
Zeren jauna zu beitzirade
Aita haien ororen,
Gu girade adiskide
Zure familiaren
Hain segur nula beitzirade
Zu aita hun Laphurdiren.
V
Bai, Ziberotarrak girade
Laphurtarren adiskide,
Ziberotarren laidoriuak
Ziek merexi tutzie,
Guretako izan zirie
Ezinago afable,
Nula aren guk eginen dugu
Zier aski uhure.
VI
Erran dezagun orok biba,
Musde d´Abbadiari,
Felizita dezagun
Laphurdi ororeki,
Gure Jinkua othoi dezagun
Guk oro bihotzetik,
Eman dizon denboraz orano
Jaunari osagarri.
VII
Biba Laphurdin Musde d´Abbadia,
Goyeneche jaun merareki,
Musde d´Andurain Ziberuan
Bere askazi ororeki,
Baxanabarren Musde Etcheverry
Gure deputatiareki,
Zuinek jaun horier amorio
Guk beiterokegu bethi.
VIII
Laphurdi eta Baxanabarre,
Ziberua oro dena,
Uniturik izan gitian
Bethi azkar algarrenak,
Orai ere lehen bezala
Gu oro Jinkuarenak,
Erran ahal dezagun bethi
Orok biba Eskualdunak.
IX
Arren Biba Musde d´Abbadia
Eskual-herriareki,
Desiratzen dutzugu jauna
Guk nahiak oro zuri,
Mundu huntan bizi zitian
Luzaz osagarriareki
Eta bestian sekulakoz
Zeluko gloriaki.
Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997, 384 or. http://hedatuz.euskomedia.org/4008/