Bertsos - Ver ficha Más información sobre esta sección
2024-11-17 Oiartzun Txapelketa [Bertsoa] / Nerea Elustondo, Beñat Gaztelumendi
| Bertsoa entzun |
2024-11-17 Oiartzun Txapelketa [Bertsoa] / Nerea Elustondo, Beñat Gaztelumendi
Nombre de la estrofa:
Zortziko txikia (hg) / Lau puntuko txikia (ip)
Localización:
XDZ - Xenpelar Dokumentazio Zentroa
N. Elustondo
Boluntario asko
det azken boladan
ta zu oholtzaratu
zara abiadan
nahiz ikusten zaitudan
bastante patxadan
sar zaitez kaxa hontan
zatitu zaitzadan. (bis)
B. Gaztelumendi
Magian bada zenbait
maistra eta maisu
eta ikasi asmoz
hurbildu natzaizu
metro t'erdi bakarrik
horixe naiz aizu
ni gehiago zatitzen
kosta behar zaizu. (bis)
N. Elustondo
Lasai egiten dakit
eta nik denetik
ta asko egin leike
bai metro t'erditik
kaxa horretan sartu
zaitezke kolpetik
ta aterako zaitut
sonbrero batetik. (bis)
B. Gaztelumendi
Kajan sartuko naiz ta
kapelan atera
nolako miraria
nolako aukera
Nerea ni ez noa
hola jardutera
untxiek jada alde
egin al dute ba? (bis)
N. Elustondo
Bati otu baitzaio
haiek lapurtzea
zuri tokatu zaizu
neri laguntzea
ez badezu nahi kaxa
horretan urtzea
nahiago ote dezu
uso bihurtzea? (bis)
B. Gaztelumendi
Ez dago halakorik
gustatzen zaionik
edo honi zentzua
hartuko dionik
pertsona txarretik ez
dago uso onik
hori Txan magoari
ikasi nion nik. (bis)
N. Elustondo
Bueno erdi harroxko
datorkit mutila
baina ni banauzu Txan
den bezain abila
makiltxoa hartuta
“Artxila, murtxila
bertsolaria uso
bihurtu dadila”. (bis)
B. Gaztelumendi
Mago honek baditu
horrenbeste gradu
uso kontua lehen
izaten zen tabu
bertsolaria uso
ederra bota du
uso mezulariak
lehendik bagara gu. (bis)