Bertsos - Ver ficha Más información sobre esta sección
2024-11-17 Oiartzun Txapelketa [Bertsoa] / Nerea Elustondo, Eli Pagola
| Bertsoa entzun |
2024-11-17 Oiartzun Txapelketa [Bertsoa] / Nerea Elustondo, Eli Pagola
Nombre de la estrofa:
Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip)
Localización:
XDZ - Xenpelar Dokumentazio Zentroa
E. Pagola
Kuadrillako bizimodu
hau aspaldi zaigu ondu
eta uste det nahikoa ondo
eutsia diogu
besteekin zenbat ordu
izango ginen gero gu!
Hamabost urte batera eta
ez gera ezkondu. (bis)
N. Elustondo
Maitasunak ze botere
biok beraren titere
bihurtu gaitu hamabost urte
Eli alafede!
Bi erregin, ez errege
elkar maitatzeko gaude
nik izugarri maite zaitut zu
paper gabe ere. (bis)
E. Pagola
Zuretzat daukat masaila
zuretzat daukat harmaila
baina itxuraz ez da nahikoa
halako sarraila
ezkon gintezen metraila
hor gure lagunen maila
esplikatzeko erreza zena
ulertzen ze zaila. (bis)
N. Elustondo
Maitasunaren argira
gu biok zenbat desira
alperrik ditut agurra eta
berdin despedida
bizi dugunan harira
besteen kontuan hori da
ezingo gera beti ibili
besteei begira. (bis)
E. Pagola
Besteei begira jardun
belarri, begi ta garun
ez dakit ondo bestela zenbat
salida dauzkagun
beste batxe bat demagun
gogor pinta nola badun
laister eskean etorri baietz
adopta dezagun. (bis)
N. Elustondo
Batera zenbat bizipen
ezer ez da irudipen
adopzioa ere ezin da
eta burutik ken
nahi det arrastotik irten
garenari eragiten
zahartu arte jarrai dezagun
bolloak egiten. (bis)