BDB Bertsolaritzaren datu-basea

Información general

Kategoria

Bat-batekoa

Actuación Periódica (Saioarena)

Gipuzkoako Bertsolari Txapelketa (12. 2024)

Actuación

2024-11-24 Zarautz Txapelketa

Gai-emailea

Zaldua, Ion

Bertsolaris / Autores

Artetxe Eizagirre, Eneritz

Mendizabal, Unai

Ejercicio

Binaka gaia-emanda puntutan

Tema propuesto

Bi zerbitzari zarete. Bakoitzari emandako propinekin osatzen duzue zuen soldata. Terraza betea dago, eta mahairik onenak aukeratzen ari zarete.

Descripción

Melodia

Mendiko umea naiz

Nombre de la estrofa

Zortziko txikia (hg) / Lau puntuko txikia (ip)

Localización

Localización

XDZ - Xenpelar Dokumentazio Zentroa

Colección / Fondo / Proyecto

Txapelketetako Bilduma

2024-11-24 Zarautz Txapelketa [Bertsoa] / Eneritz Artetxe Eizagirre, Unai Mendizabal

Nombre de la estrofa:  Zortziko txikia (hg) / Lau puntuko txikia (ip) 
Localización:  XDZ - Xenpelar Dokumentazio Zentroa 

---

U. Mendizabal
Mahai denak beteak
poltsikoak hutsak
E. Artetxe
hargatik ditugu guk
bi begi kamutsak
U. Mendizabal
borondate haunditan
ez dabiltz gorputzak
E. Artetxe
guregana ez dira
helduko dirutzak.

E. Artetxe
Malekoian aberats
asko dabil baina
U. Mendizabal
guk'e edan gabe pasa
beharko txanpaina
E. Artetxe
guregana ez dator
batzuen ordaina
U. Mendizabal
nahiz ta hiru euro kobrau
ohi diegun kaña.

U. Mendizabal
Bat'e sosikan gabe
uzten ditugu ta
E. Artetxe
ta hargatik sortzen da
gu bion burruka
U. Mendizabal
bat zurtu egiten da
behin jubilatuta
E. Artetxe
ta gure lan eguna
inoiz ezin buka.

E. Artetxe
Barkatu ni banoa
horko mahai hortara
U. Mendizabal
ia propina on bat
ailegatzen bada
E. Artetxe
korbatadun horri eman
nahi diot paxara
U. Mendizabal
ta zer erdibana eiten
gaur hasten bagara?

U. Mendizabal
Zeren indartsuago
baikera batuta
E. Artetxe
baina hobe gaurkoan
ondo banatuta
U. Mendizabal
beraz nere propina
neretzat apunta
E. Artetxe
Azkoitin maiteago
al dute zurruta?

E. Artetxe
Dabiltza gu baino're
diru gehiagokin
U. Mendizabal
baina guri ematen
nunbait'e ez jakin
E. Artetxe
egunero gabiltza
ekin eta ekin
U. Mendizabal
ta soldata duin bat
bagendu behinepin.

U. Mendizabal
Baino gaur ez soldata
eta ez propina
E. Artetxe
ta berriro etxera
gorputzeko mina
U. Mendizabal
hara hor xentimok utzi
dizkigute bina
E. Artetxe
alperrik egingo da
horko ahalegina.

E. Artetxe
Bukatu aurretikan
azken saiakera
U. Mendizabal
kajerora juatia
agian hobe da
E. Artetxe
burumakur berriro
zu ta ni etxera
U. Mendizabal
gaur'e patrikak hutsik
bueltatuko gera.