Bertsos - Ver ficha Más información sobre esta sección
2024-09-15 Lasarte-Oria Txapelketa [Bertsoa] / Iñigo Mantzizidor "Mantxi", Aner Peritz Manterola
| Bertsoa entzun |
2024-09-15 Lasarte-Oria Txapelketa [Bertsoa] / Iñigo Mantzizidor "Mantxi", Aner Peritz Manterola
Nombre de la estrofa:
Zortziko handia (hg) / Lau puntuko handia (ip)
Localización:
XDZ - Xenpelar Dokumentazio Zentroa
Mantxi
Orain artean egin ditugu
hainbat tratu isilpeko
beti gogotsu opor garaian
plan egiten ekiteko
baina hegazkinik ez degu behar
bidaiari eliteko
biok nahikoa ez ote gera
hemen hegan egiteko?
A. Euzkitze
Hori gehitxo den ez dakit Mantxi
nik zerbait badaukat faltan
eta ez dakit zure esanak
gehiegitik ez al daukan
kargarik gabe egon nahi nuke
oporretako etapan
urte osoan lanera joan
ondoren kotxe banatan.
Mantxi
Bale urtean zehar aritzen
gerala biok jo ta su
baina hegazkinik gabe badaude
hainbat paisaia ta luxu
eskutik heldu ta amets egin
han laztan ta hemen muxu
zuk fantasia falta dezu Aner
beste dena badaukazu.
A. Euzkitze
Nik fantasia ere badaukat
luze hartzen dut tartea
irudikatuz hemendik kanpo
geneukaken estalpea
uste al duzu gure araura
dijoala gizartea?
Hippyagoa bai, hobea ez da
furgonetero izatea.
Mantxi
Furgonetakin Pirineotara
joan leike ta perfekto
Andaluzira han hain goxoak
diren arraiak jateko
hegazkinik ez, zaindu dezagun
gure mundua konpleto
hegazkin beharrik ez baitaukagu
hegoak aske izateko.
A. Euzkitze
Nik nahiko nuke lanean lortu
dudanan onuraduna
izan, ta hala bisitatzea
mundua, ezezaguna
urtean bitan jarraituko dut
egiten hala jarduna
ta zu ez bazatoz ba egingo naiz
ondokoaren laguna.