2008-02-29 Azpeitia Sariketa [Bertsoa] / Alaia Martin, Aitor Urbieta Aizpurua

Adineko gizona zara zu, Aitor. Zure etxebizitza konpartitzeko asmoz, iragarkia jarri duzu egunkarian, eta Alaia gaztea etorri zaizu arraro samar jantzita.

Descripción

Melodia

Orioko balearena

Nombre de la estrofa

Zortziko txikia (hg) / Lau puntuko txikia (ip)

Localización

Localización: XDZ - Xenpelar Dokumentazio Zentroa
Colección / Fondo / Proyecto: Bapatean Bilduma

2008-02-29 Azpeitia Sariketa [Bertsoa] / Alaia Martin, Aitor Urbieta Aizpurua

Nombre de la estrofa: Zortziko txikia (hg) / Lau puntuko txikia (ip)
Localización: XDZ - Xenpelar Dokumentazio Zentroa

A. Urbieta: Hara zer egiten den
zahartuta gero!
Pisukidea dator
gaur nere bezero.
Neskatxa bat nahi nuen
dagoena bero
baina horrelakorik
ez nuen espero! (bis)

A. Martin: Ezpain zaina puztuta
zaude grabe-grabe
entzuten nauzu ondo
behintzat hala ere.
Jartzen banaiz agian
hola parez pare
altxa egingo zaizu
Viagrarik gabe! (bis)

A. Urbieta: Neska honi begira
zein pozik nagoen!
Nik, ustez, zera hori
neukan oso herren
baina begiratuta
tentetu nabarmen.
Gainetik abrigo bat
jantzi zazu arren! (bis)

A. Martin: Kanpin denda horrekin
harritu egin nauzu
kantzontzilotan jada
dauzkazu bi putzu.
Ez dut inoiz probatu
proba'zagun aizu!
Kendu dentadura ta
muxu emaidazu. (bis)

A. Urbieta: Zaharrak gaztetzeko
hauxe da xixtima!
Eta ustekabean
hurrera arrima...
Lehen penetan zegona
ederki anima!
Kontratua hemen det
bota zazu firma! (bis)

A. Martin: Igual kobratuko dut
zure herentzia.
Gainera izango da
ondo merezia.
Gazteek sexuan dute
maiz abilezia
baina haiek ez dute
zure esperientzia! (bis)

BDB Bertsolaritzaren datu-basea

Bertsos - Ver ficha Más información sobre esta sección