Bertsos - Ver ficha Más información sobre esta sección
2009-01-06 Oiartzun Jaialdia [Bertsoa] / Andoni Egaña
Bertsoa entzun |
2009-01-06 Oiartzun Jaialdia [Bertsoa] / Andoni Egaña
Nombre de la estrofa:
Zortziko handia (hg) / Lau puntuko handia (ip)
Localización:
XDZ - Xenpelar Dokumentazio Zentroa
Zure aitatxok erreferentzi
batzuk baditu munduan:
Che Guevararen hitzetan zegon
denek dakiten moduan
ta gero Txikik "Haizea..." zion
bere herio orduan.
Zuri izena ematerako
hoietxek neuzkan goguan.
Hainbeste urtez euki ninduten
preso Españan barrena
zeu're kartzelan jaio zinela
horra gauza nabarmena.
Eta propio hautatu nizun
zuri Haizea izena
haizea baita gauza bakarra
preso har ez litekeena.
Zuk badakizu zure izenak
badula hainbat histori.
Zortzi urtetxo baino ez dezu
oso laister hogeita bi.
Gaur aske zera berriro preso
ez zaite inoiz erori
ta inguruan zabaldu zure
askatasun haize hori.