Bertsos - Ver ficha Más información sobre esta sección
2002-08-07 Aia Jaialdia [Bertsoa] / Amets Arzallus
| Bertsoa entzun |
2002-08-07 Aia Jaialdia [Bertsoa] / Amets Arzallus
Nombre de la estrofa:
Hamarreko handia (hg) / Bost puntuko handia (ip)
Localización:
XDZ - Xenpelar Dokumentazio Zentroa
Pasai-Antxoko portu ertzean
han utzi nuen patera
ta herri baten aurkitu nintzen
bi lagunekin batera.
Geroztik hutsa dadukat tripa
ta hutsagoa kartera;
ez agiririk ta ez paperik
ezin nezake atera
baina ederki beteko nuke
langile baten papera. (bis)
Sartu didate nere etxean
falta zitzaidan iltzea
ta zein gorra den marmarra entzun
ta hala ere ixiltzea!
Betaurrekoak debalde salduz
jateko aina biltzea
ta dudan nago zein den hobea:
hemen hola bizitzea
edota jaio nintzen lekuan
goseagatik hiltzea. (bis)
Etorri nintzen egunetikan
a zer nolako trantzea!
Beltza dadukat nere azala
beltza aurre ta atzea
ta nola oso zaila daukadan
irtenbide bat hartzea
egia esan gogorra baita
bizitza hau tokatzea.
Irtenbide bat bakarra daukat:
Realean jokatzea.