BDB Bertsolaritzaren datu-basea

Información general

Kategoria

Bat-batekoa

Actuación Periódica (Saioarena)

Bertsolari Txapelketa Nagusirako Gipuzkoako Sailkapena (2001)

Actuación

2001-04-21 Urnieta Txapelketa

Gai-emailea

Aldanondo, Igor

Bertsolaris / Autores

Zelaia, Iñaki

Zerain, Aritz

Ejercicio

Binaka gaia-emanda kartzelako-lana

Tema propuesto

Zu, Iñaki, hirugarren aldiz zoaz diru eske Aritz esponsorrarengana, Everesteko espedizioa dela-eta. Aurreko bietan ez duzu gailurra zapaldu.

Descripción

Nombre de la estrofa

Zortziko txikia (hg) / Lau puntuko txikia (ip)

Localización

Localización

XDZ - Xenpelar Dokumentazio Zentroa

Colección / Fondo / Proyecto

Txapelketetako Bilduma

2001-04-21 Urnieta Txapelketa [Bertsoa] / Iñaki Zelaia, Aritz Zerain

Nombre de la estrofa:  Zortziko txikia (hg) / Lau puntuko txikia (ip) 
Localización:  XDZ - Xenpelar Dokumentazio Zentroa 

---

ZELAIA:
Bi alditan igotzen
saiatua lehen,
baina ez nuen izan
nik nahi aina kemen;
ta hirugarren aldiz
ni neu nago hemen
ta neuk egiten dizut
propaganda gehien. (bis)

ZERAIN:
Eskean zatoz berriz
aldarte onian
ta ni berriro nago
ezezko planian;
propaganda egiten
zure esanian,
baina zertarako det
txarretik denian. (bis)

ZELAIA:
Zu entzutiak orain
ematen dit pena,
oraindikan hanketan
badaukat kemena;
inork uste ez dula
igoko naizena,
ta txarrena bihurtu
daiteke onena. (bis)

ZERAIN:
Mendizalea zera
baina ez jatorra,
Everesta badakit
hain dala gogorra;
igo nahi dezu eta
badezu hor zorra,
Iberia har zazu
Iñaki esponsorra. (bis)

ZELAIA:
Iberiakin ezin
juan urrutira,
aspaldi jarri nintzen
beraiei begira,
baina ni igoko naiz
Everest mendira,
buru gogorrak beti
igotzen baitira. (bis)

ZERAIN:
Buru gogorra zera
eta astakirten,
horregatikan berriz
nahi zenduke irten;
baina zure ametsak
nahi ditut nik eten,
buru gogorra naiz ta
nik ez det ematen. (bis)