Bertsos - Ver ficha Más información sobre esta sección
1988-03-20 Iruñea Txapelketa [Bertsoa] / Ernest Alkhat
1988-03-20 Iruñea Txapelketa [Bertsoa] / Ernest Alkhat
Localización:
XDZ - Xenpelar Dokumentazio Zentroa
Ene mezua eman nezake
hainbeste jende airosi
batzu errexki erre ditazke
ta beste batzu egosi;
Euskal Herria elkarrekilan
behar dugu inharrosi
diru kontuan baztertu eta
jende pila bat dagotzi,
anaitasuna ene ustean
ezin da diruz erosi.
Diruan aski Euskal Herria
dago ainitzen kalterat
dirudunetan diferentzirik
ez batetikan bertzerat;
guk bihotz on bat daukagu eta
bide hortatik atera
lehen laguna izan dut eta
nago hunen erraiterat:
dirua badu bere helburu
joan bedi Pariserat.
Orai artean diru kontua
ardura daukat entzuna
eta bihotza kolpatzen deraut
berri hoien oihartzuna
zenbait ideal badaukagu ta
badaukagu osasuna
nortasuna ta Euskal Herria
dago gure ontasuna;
ez da diruaz egongo nehoiz
herriko etorkizuna.