Bertsos - Ver ficha Más información sobre esta sección
1989-04-23 Baigorri Txapelketa [Bertsoa] / Jexus Arzallus
1989-04-23 Baigorri Txapelketa [Bertsoa] / Jexus Arzallus
Localización:
XDZ - Xenpelar Dokumentazio Zentroa
Nere semea landu nahi nuen
nik zaletasun orotan
bertsotan erakusten ere ni
aritua naiz frangotan
baina ikusten denez Ian hori
ez bait du hartu gogotan
haunditutzean ez du egin nahi
aitak bezala bertsotan
nere burua nahastua dit
gaurko esaldi honetan.
Hori entzun da nere barrua
jarri didazu erreta
baina aitatxok gaur dionari
jarri zaiozu arreta
oraindik oso umea zera
egin anitz gogoeta
hori entzun da sartu didazu
bizi guztirako kezka
bertsolaria ez bada ere
izan dedila poeta.
Guk nahi duguna egitea ere
askotan bait da gauz gaitza
gure semeak bide onetik
eraman nahian gabiltza
baina estua izan da egun
ezarri didan baldintza
nere semea hau da aitatxok
zuretzat dun azken hitza
zuk nahi duzuna izan zaitea
zurea bait da bizitza.